વર્ષ 2022 માટેના દાદાસાહેબ ફાળકે એવોર્ડનું મુંબઈમાં વિતરણ કરવામાં આવ્યું હતું. હિટ ફિલ્મ 'પુષ્પાઃ ધ રાઇઝ'ને ફિલ્મ ઓફ ધ યર અને શેરશાહને બેસ્ટ ફિલ્મનો ઍવોર્ડ આપવામાં આવ્યો હતો.
વર્ષ 2022 માટે દાદાસાહેબ ફાળકે અવોર્ડ્સની જાહેરાત
પુષ્પા ફિલ્મ ઓફ ધ યર જાહેર
શેરશાહ બેસ્ટ ફિલ્મનો ઍવોર્ડ જીતી
વર્ષ 2022 માટેના દાદાસાહેબ ફાળકે એવોર્ડનું રવિવારે મુંબઈમાં વિતરણ કરવામાં આવ્યું હતું.
દક્ષિણ ભારતીય સુપરસ્ટાર અલ્લુ અર્જુનની બ્લોકબસ્ટર હિટ ફિલ્મ 'પુષ્પાઃ ધ રાઇઝ'ને વર્ષની ફિલ્મ એટલે કે ફિલ્મ ઓફ ધ યર તરીકે પસંદ કરવામાં આવી છે.
— Dadasaheb Phalke International Film Festival (@Dpiff_official) February 20, 2022
ભારતીય ક્રિકેટ ટીમની વર્લ્ડ કપ જીત પર બનેલી ફિલ્મ '83' માટે રણવીર સિંહને બેસ્ટ એક્ટરનો એવોર્ડ આપવામાં આવ્યો છે. અભિનેત્રી કૃતિ સેનનને ફિલ્મ 'મિમી' માટે શ્રેષ્ઠ અભિનેત્રી તરીકે પસંદ કરવામાં આવી છે.
મુંબઈ ખાતે યોજાયો કાર્યક્રમ
રવિવારે સાંજે મુંબઈમાં દાદાસાહેબ ફાળકે એવોર્ડ માટે રંગારંગ સમારોહનું આયોજન કરવામાં આવ્યું હતું. આમાં રાધિકા મદન, રવિના ટંડન, મનોજ બાજપેયી, અહાન શેટ્ટી, કિયારા અડવાણી અને સિદ્ધાર્થ મલ્હોત્રાને પણ અલગ-અલગ એવોર્ડ આપવામાં આવ્યા હતા.
મનોજ બાજપાઈને વેબ સીરિઝ માટે શ્રેષ્ઠ અભિનેતાનો ઍવોર્ડ આપવામાં આવ્યો હતો. આ ઍવોર્ડ તેને વેબસીરિઝ ફેમિલી મેન માટે આપવામાં આવ્યો હતો.
વિશાલ મિશ્રાને બેસ્ટ મેલ પ્લેબેક સિંગરનો ઍવોર્ડ મળ્યો હતો. કેન્ડી બેસ્ટ વેબ સીરિઝ જાહેર થઈ હતી. ક્રિટિક્સ બેસ્ટ ઍવોર્ડમાં બેસ્ટ ફિલ્મ સરદાર ઉધમ અને કિઆરા અડવાણીને શ્રેષ્ઠ અભિનેત્રીનો ઍવોર્ડ આપવામાં આવ્યો હતો. પૌલીને બેસ્ટ શોર્ટ ફિલ્મનો ઍવોર્ડ મળ્યો હતો.
સિદ્ધાર્થ મલ્હોત્રાને ફિલ્મ શેરશાહ માટે ક્રિટિક્સ ચોઈસ બેસ્ટ એક્ટર એવોર્ડ આપવામાં આવ્યો હતો.