ફિલ્મ સ્ટાર રણવીર સિંહને પડી 24 થપ્પડો જાણો શું બની ઘટના

ભારતીય ફિલ્મ જગત સાથે સંકળાયેલ દરેક ફિલ્મ સ્ટાર પોતાની ખાસિયતોને કારણે ખુબ ચર્ચામાં રહેતા હોય છે આવી જ રીતે હાલ ભારતના ઉભરતા રણવીર સિંહ હાલ ખુબ જ ચર્ચામાં છે.

રણવીર સિંહને તાજેતરમાં જ એક નહીં પણ ચોવીસ-ચોવીસ થપ્પડ પડી હતી. આ વાત જાણીને ઝટકો જરૂરથી લાગશે પરંતુ આ વાત સાચી છે અને તેનો સ્વીકાર રણવીર સિંહે પણ કર્યો છે. રણવીર સિંહને થપ્પડ મારનાર વ્યક્તિ અન્ય કોઈ નહીં બોલિવૂડના દિગ્ગજ કલાકાર રઝા મુરાદ છે.

ઉલ્લેખનીય છે કે હાલમાં રણવીર સિંહ તેની આગામી ફિલ્મ પદ્માવતીનું શૂટિંગ કરી રહ્યો છે. આ ફિલ્મમાં રઝા મુરાદ જલાલુદ્દીન ખિલજીનું પાત્ર ભજવી રહ્યા છે. એક સીનમાં તેણે રણવીર સિંહને થપ્પડ મારવાની હતી. પરંતુ શોટ પરફેક્ટ ન આવતાં સંજય લીલા ભણસાલીએ એક પછી એક ચોવીસ રીટેક કરાવ્યા.

રીકેટના કારણે રણવીર સિંહના ગાલ પર રઝા મુરાદના હાથની ચોવીસ થપ્પડ પડી અને તેનો ગાલ લાલ થવાની સાથે સૂજી પણ ગયો હતો. ઉલ્લેખનીય છે કે શૂટિંગ સમયે બનેલી આ ઘટનાની પુષ્ટિ રણવીર સિંહ પણ કરી છે તેણે ટ્વિટર પર એક ટ્વિક કરી અને તેણે આ અંગે છપાયેલા સમાચારને સાચા ગણાવ્યા હતા.