રણવીર સિંહ ટૂંક સમયમાં ફિલ્મ ’83’ માં જોવા મળશે. આ ફિલ્મને લઇને સતત ઓડિયન્સ રાહ જોઇ રહી છે એવામાં રણવીર સિંહે ફિલ્મની એક સ્પેશિયલ મોમેન્ટ શૅર કરી છે, જે ક્ષણ દેશના તમામ લોકો માટે ખાસ હતી. રણવીરે જે ફોટો શૅર કર્યો છે તેમાં તે વર્લ્ડકપની ટ્રોફી લઇને ઉભો છે.
તમને જણાવી દઇએ કે, 1983 માં જ્યારે કપિલ દેવની કેપ્ટન્સીમાં ટીમ ઇન્ડિયાએ વર્લ્ડકપ જીત્યો હતો ત્યારે તે ક્ષણ દેશ માટે ખૂબ જ યાદગાર હતી. આ પહેલી વખત હતુ જ્યારે ટીમ ઇન્ડિયાએ વર્લ્ડકપ જીત્યો હતો. કપિલ દેવના હાથમાં ટ્રોફી લીધેલી તે ફોટો આજે પણ લોકોને ગર્વ મેહસૂસ કરાવે છે. હવે રણવીર સિંહે પણ આ ક્ષણની ફોટો શૅર કરી છે. આ ફોટો શૅર કરતા રણવીર સિંહ લખ્યુ કે, #ThisIs83. આ ફોટોમાં રણવીર સિંહ એકદમ કપિલ દેવ જેવો જ લાગે છે.
સોશ્યલ મીડિયા પર રણવીર સિંહનો આ ફોટો ખૂબ જ વાયરલ થઇ રહ્યો છે. લોકો રણવીરના આ ફોટાની સાથે કપિલ દેવનો ફોટો પણ શૅર કરી રહ્યા છે.
ક્રિકેટ વર્લ્ડકપ પર આધારિત ફિલ્મ
1983માં ભારતે પહેલી જ વાર ક્રિકેટ વર્લ્ડકપ જીત્યો તેના પર ‘83’ આધારિત છે. આ ફિલ્મમાં કપિલ દેવના રોલમાં રણવીર સિંહ તથા દીપિકા ક્રિકેટર કપિલ દેવની પત્ની રોમીના રોલમાં છે. આ ઉપરાંત ફિલ્મમાં હાર્ડી સંધુ, સાકિબ સલીમ, તાહિર રાજ ભસીન, એમી વીર્ક, પંકજ ત્રિપાઠી, જતીન સરના, આદિનાથ કોઠારે, આર બદ્રી તથા ચિરાગ પાટિલ છે. આ ફિલ્મ 10 એપ્રિલે રિલીઝ થવાની છે. ફિલ્મને લઈ રણવીર સિંહે કહ્યું હતું કે તે આ ફિલ્મનો હિસ્સો બનીને ગૌરવ અનુભવે છે.