પ્રમોશન / 'ક્રિકેટના ભગવાન' સચિનને મળ્યો રણવીર, કહ્યુ- 'મારા માટે સૌભાગ્યની વાત છે'

કપિલ દેવની જિંદગી પર બની રહેલી આ ફિલ્મ રણવીર સિંહ કપિલ દેવના કેરેક્ટરમાં જોવા મળશે. રણવીર સિંહ આ ફિલ્મને લઇને જોરદાર તૈયારી કરી રહ્યો છે અને આ જ માટે તે ઘણઈ વખત કપિલ દેવ સહિતના ઘણા ક્રિકેટર પાસે ટ્રેનિંગ લેતો જોવા મળ્યો છે. 

તો હાલમાં રણવીર સિંહ સહિત ‘83’ ફિલ્મની સ્ટારકાસ્ટ હાલ લંડનમાં ફિલ્મના પહેલા શેડ્યૂઅલનું શૂટિંગ કરી રહી છે. ઉપરાંત ઇંગ્લેન્ડમાં જ હાલ ICC ક્રિકેટ વર્લ્ડ કપ 2019 પણ ચાલી રહ્યો છે. માટે ક્રિકેટર્સ અને ફિલ્મની સ્ટારકાસ્ટ હાલ એક જ દેશમાં છે.રણવીર સિંહ ત્યાં લંડનમાં જ એક ઇવેન્ટ દરમ્યાન સચિન તેંડુલકર, ઓસ્ટ્રેલિયન ક્રિકેટર શેન વોર્ન અને વેસ્ટ ઇન્ડિઝના ક્રિકેટર વિવિયન રિચાર્ડ્સને પણ મળ્યો. 

GOD OF CRICKET ! @sachin_rt 🏏🇮🇳❤🙏🏽 @83thefilm @kabirkhankk #83squad pic.twitter.com/finjiStRLK

— Ranveer Singh (@RanveerOfficial) June 2, 2019

રણવીરે સોશ્યલ મીડિયા પર તેમની સાથેના ફોટો પણ શેર કર્યા છે. શૂટિંગ દરમ્યાન તેણે ગ્રાઉન્ડ પરનો તેનો અને ‘લિટલ માસ્ટર’ સુનિલ ગાવસ્કર સાથેનો ફોટો શેર કર્યો હતો. જ્યારે ઇવેન્ટ દરમ્યાન તે ભૂતપૂર્વ ક્રિકેટર્સ ‘ક્રિકેટના ભગવાન’ સચિન તેંડુલકર, ‘સ્પિન કિંગ’ શેન વોર્ન અને વિવિયન રિચાર્ડ્સને મળ્યો હતો.

THE LITTLE MASTER! #sunilgavaskar 🏏🇮🇳 @83thefilm @kabirkhankk #83squad pic.twitter.com/ql2KW6KAxG

— Ranveer Singh (@RanveerOfficial) June 2, 2019

ઉલ્લેખનીય છે કે ડિરેક્ટર કબીર ખાનની '83'  ભારત અને વેસ્ટ ઇન્ડિઝની ક્રિકેટ મેચ પર આધારિત છે, જેમાં ભારત કપિલ દેવની કેપ્ટનશિપમાં વર્લ્ડ કપ જીત્યું હતું. ફિલ્મના સ્ટાર્સને ખુદ ક્રિકેટર્સ કપિલ દેવ, મદન લાલ, યશપાલ શર્મા અને બલવિંદર સિંહ સંધુ ટ્રેનિંગ આપી રહ્યા છે.

ફિલ્મ '83' 10 એપ્રિલ, 2020ના રોજ રિલીઝ થશે. ફિલ્મના પ્રોડ્યૂસર મધુ મન્ટેના, વિષ્ણુ ઇન્દુરી અને કબીર છે. જ્યારે રિલાયન્સ એન્ટરટેઇન્મેન્ટ આ ફિલ્મને પ્રેઝન્ટ કરી રહ્યું છે.