બોલિવુડ એક્ટર રણવીર સિંહે યશરાજ બેનરની ફિલ્મ 'બેડ બાજા બારાત' બોલિવૂડમાં ડેબ્યૂ કર્યુ હતુ. તે સમયે એવી ચર્ચા સામે આવી હતી કે રણવીર સિંહના પિતાએ આદિત્ય ચોપરાને 10 લાખ રૂપિયા આપ્યા હતા. જેથી તે રણવીર માટે એક ફિલ્મ બનાવે. હવે રણવીર સિંહે પહેલીવખત આ વાતને લઇને એક ચોંકાવનારો ખુલાસો કર્યો છે.
ફિલ્મફેર સાથે વાતચીત દરમિયાન રણવીર સિંહને જ્યારે પૂછવામાં આવ્યુ કે તેણે પોતાના વિશે સૌથી મોટી કઇ અફવા સાંભળી છે તેના પર રણવીરે જણાવ્યુ કે ''મારા ડેબ્યૂ સમયે એવુ કહેવામાં આવ્યુ હતુ કે મારા પિતાએ આદિત્ય ચોપરાને 10 લાખ રૂપિયા આપ્યા જેથી હું યજરાજ બેનર દ્વારા લોન્ચ થઇ શકુ. નિશ્ચિત રૂપે આ સાંભળીને મને ખૂબ જ દુખ થયું છે. આ ખૂબ જ બેજવાદારીભર્યુ છે. એવી વાતોથી મારા ટેલેન્ટ સામે પ્રશ્ન ઉભો થાય છે.''
રણવીર સિંહે આગળ કહ્યુ કે ''બોલિવુડમાં કરિયર બનાવવા માટે મેં ઘણી સ્ટ્રગલ કરી છે. મને પોતાના પર ગર્વ છે. ઇન્ડસ્ટ્રીમાં જે લોકો સ્ટ્રગલ માટે આવે છે ઘણીવખત મને મેસેજ કરીને પૂછે છે કે મેં પૈસા જમા કરી દીધા છે હવે તમે જણાવો કે યશરાજ બેનર દ્વારા લોન્ચ કેવી રીતે થઇ શકુ છું.''
રણવીર સિંહ અને આલિયા ભટ્ટની ફિલ્મ ગલી બોય આગામી 14મી ફેબ્રુઆરી 2019ના દિવસે રિલીઝ થવાની છે. ફિલ્મને ઝોયા અખ્તરે ડિરેક્ટ કરી છે. ફિલ્મમાં રણવીર સિંહ એક રેપરના કેરેક્ટરમાં જોવા મળશે જે ડિવાઇનની લાઇફથી પ્રેરિત છે.