ન્યૂડ ફોટોશૂટ કરાવવાના મામલે ભારતીય સંસ્કૃતિનો હવાલો આપતા એક NGO ચલાવનાર લલીત શ્યામે મુંબઈના ચેમ્બુર પોલીસ સ્ટેશનમાં રણવીર સિંહ વિરુદ્ધ ફરિયાદ નોંધાવી હતી
રણવીર સિંહ કાનૂની દાવપેચમાં ફસાઈ રહ્યા હોય એવું લાગી રહ્યું છે
IPC ની ધારા 509, 292, 294, આઈટી એક્ટ સેકશન 67A અંદર કેસ ફાઇલ થઈ ગયો
સોમવારે શિકાયત દર્જ કરવામાં આવી હતી અને આજે એ કેસમાં FIR ફાઇલ થઈ ગઈ
બોલિવૂડ એક્ટર રણવીર સિંહ હાલ પોતાના એક ફોટોશૂટને લઈને ખૂબ જ ચર્ચામાં છે. તે ફોટોશૂટમાં રણવીર કપડા વગર જોવા મળી રહ્યો છે. જેના કારણે તેને ઘણો ટ્રોલ કરવામાં આવી રહ્યો છે. રણવીરના ફોટોઝને કારણે લોકો તેની પત્ની અને બોલિવૂડ એક્ટ્રેસ દીપિકા પાદુકોણની પણ મજાક ઉડાવી રહ્યા છે. જો કે પતિના ફોટોશૂટ પર દીપિકાનું રિએક્શન અત્યાર સુધી સામે નથી આવ્યું, પરંતુ આ વચ્ચે એક મોટી મુશ્કેલી ઉભી થઈ છે.
મુસીબત વધી
ટ્રોલ સુધી તો ઠીક હતું પણ હવે રણવીર સિંહ કાનૂની દાવપેચમાં ફસાઈ રહ્યા હોય એવું લાગી રહ્યું છે. રણવીર સામે IPC ની ધારા 509, 292, 294, આઈટી એક્ટ સેકશન 67A અંદર કેસ ફાઇલ થઈ ગયો છે. ન્યૂડ ફોટોશૂટ કરાવવાના મામલે ભારતીય સંસ્કૃતિનો હવાલો આપતા એક NGO ચલાવનાર લલીત શ્યામે મુંબઈના ચેમ્બુર પોલીસ સ્ટેશનમાં રણવીર સિંહ વિરુદ્ધ ફરિયાદ નોંધાવી છે. એમની માંગ છે કે સોશ્યલ મીડિયા પરથી આ તસવીરો હટાવી દેવી જોઈએ. સોમવારે શિકાયત દર્જ કરવામાં આવી હતી અને આજે એ કેસમાં FIR ફાઇલ થઈ ગઈ છે.
ફરિયાદીની ફરિયાદ
Shyam Mangaram Foundation નામના એનજીઓએ પોતાની ફરિયાદમાં લખ્યું છે કે, અમે છેલ્લા 6 વર્ષથી વિધવાઓના અને બાળકોના સારા ભવિષ્ય માટે કામ કરી રહ્યા છીએ. ગયા અઠવાડિયે આપણે રણવીર સિંહના ઘણા નગ્ન ફોટા વાયરલ થતા જોયા. જે રીતે તે તસવીરો ક્લિક કરવામાં આવી છે તે જોઈને કોઈપણ સ્ત્રી અને પુરુષ શરમ અનુભવશે.
— Hamendra Singh Dewal 🇮🇳 (@DewalHemendra) July 26, 2022
સમગ્ર મામલો
હાલમાં જ રણવીરે પેપર મેગેઝિન માટે ફોટોશૂટ કરાવ્યું છે. જેણે સોશિયલ મીડિયામાં આગ લગાવી દીધી. જો કે રણવીર તેની અતરંગી સ્ટાઈલને કારણે હંમેશા ચર્ચામાં રહે છે. પરંતુ રણવીરના આ ફોટોએ એક અલગ જ ચર્ચા છોડી દીધી છે કારણ કે રણવીરે આ ફોટોશૂટ ન્યૂડ કરાવ્યું હતું. અભિનેતાની તમામ તસવીરો સોશિયલ મીડિયા પર વાયરલ થઈ હતી જેમાં તે ન્યૂડ હતા અને અલગ-અલગ પોઝ આપી રહ્યા હતા.