IPL 2022 / ગુજરાતની હાર જોઈ ખુશ થયા જયેશભાઈ જોરદાર, બૂમરાહને ધોવાતો જોઈ નિરાશ થઈ ગઈ પત્ની

• મુંબઈ ઇન્ડિયન્સ અને ગુજરાત ટાઈટન્સ વચ્ચે હતી મેચ 
• મુંબઈ ઇન્ડિયન્સે ગુજરાત ટાઈટન્સને આપી માત 
• મુંબઈની જીતથી રણવીર સિંહ ખુશખુશાલ 

​​​​​​​મુંબઈ ઇન્ડિયન્સ અને ગુજરાત ટાઈટન્સ વચ્ચે હતી મેચ 

ગઈકાલે મુંબઈ ઇન્ડિયન્સ અને ગુજરાત ટાઈટન્સ વચ્ચે મેચ હતી, જેમાં મુંબઈ ઇન્ડિયન્સે ગુજરાત ટાઈટન્સને માત આપી. ગુજરાત ટાઈટન્સની આ સતત બીજી હાર હતી. પાંચ રનથી મુંબઈ ઇન્ડિયન્સે આ મેચમાં જીત મેળવી. 

રણવીર સિંહ પણ મેચ જોવા આવ્યો હતો 

બોલિવુડ અભિનેતા રણવીર સિંહ પણ આ મેચ જોવા પહોંચ્યો હતો. તે મુંબઈ ઈંડીયન્સને સપોર્ટ કરી રહ્યો હતો અને પોતાની ટીમની જીત પર ખુબ જ ખુશ થયો હતો. રણવીર   રમત પ્રત્યે ઘણો જ લગાવ ધરાવે છે અને તે મોટાભાગે ફુટબોલ કે ક્રિકેટની મેચોમાં જોવા મળે છે. મુંબઈની વિરૂધ્ધ મેચમાં ગુજરાતના બોલર સાઈં સુદર્શન હિટ વિકેટ થયો હતો. જે આઈપીએલના ઈતિહાસમાં પહેલો બેટ્સમેન બન્યો જે હિટ વિકેટ થયો હતો. કિરન પોલાર્ડની ઓવરમાં સુદર્શન ક્રીઝની એકદમ પાછળ ચાલી ગયો હતો અને શોટ રમતા દરમિયાન તેનું બેટ સ્ટંપ પર લાગ્યુ હતું.

બુમરાહ માટે ખરાબ દિવસ 

ભારતીય ઝડપી બોલર જસપ્રીત બુમરાહ માટે આ મેચ કંઈ ખાસ રહી ન હતી. સાહા અને ગિલની જોડીએ તેની જોરદાર ધોલાઈ કરી હતી. તેણે પોતાના ચાર ઓવરમાં 48 રન આપ્યા હતા.તેની પત્ની આ પ્રદર્શન જોઈને બહુ નિરાશ થઈ હતી અને ચિંતિત જોવા મળી હતી.

મુંબઈની સારી શરૂઆત પછી રાશિદ ખાને ગુજરાતને પહેલી સફળતા અપાવી હતી. રોહિત તેના  બોલ પર શોટ રમવા માંગતો   હતો, પરંતુ બોલ અને બેટનો સંપર્ક થયો ન હતો. આ સાથે જ રોહિતને પેવેલિયન તરફ પાછું ફરવું પડ્યુ હતું. તેને 28 બોલમાં 43 રન બનાવ્યા હતા.

ઇશાન કિશનનું શાનદાર પ્રદર્શન 

મુંબઈ માટે ઈશાન કીશન લાંબા સમય પછી લયમાં જોવા મળ્યો   હતો. કિશને આ મેચમાં પોતાની ટીમને શાનદાર શરૂઆત અપાવી અને વિસ્ફોટક અંદાજમાં રન બનાવ્યા હતા. કિશન 29 બોલમાં 45 રન બનાવીને આઉટ થયો હતો. તેની પારીમાં પાંચ ચોક્કા અને   એક છક્કો શામેલ હતો.

મુંબઈના કિરન પોલાર્ડ આ મેચમાં ફરી એકવાર નિષ્ફળ રહ્યો હતો. તેને 14 બોલમાં ચાર રન બનાવ્યા હતા અને રાશિદખાનના બોલ પર ક્લીન બોલ્ડ થયો હતો. પોલાર્ડ અંત્યત ખરાબ ફોર્મથી પસાર થઈ રહ્યો છે અને આ સીજનમાં તે કાંઈ અદભુત કરી શક્યો ન હતો. તે ના તો ઝડપથી રન બનાવી શકતો અને ના તો લાંબી રમત રમી શકતો હતો.

મુંબઈ માટે ટીમ ડેવિડ અને તિલક વર્માએ જોરદાર બેંટીગ કરી હતી. બંનેએ 38 રનની ભાગીદારી કરી હતી, પરંતુ તોફાની રીતે રન બનાવ્યા હતા. આ કારણથી મુંબઈની ટીમ મોટા સ્કોર સુધી પહોંચી શકી. મુંબઈની જોરદાર શરૂઆત પછી પોલાર્ડની ધીમી રમતે તેની ટીમની લય બગાડી નાખી હતી, પરંતુ તે બંનેએ મુંબઈને પાછી પાટા પર લાવ્યા હતા.

શુભમન ગિલ અને રીદ્ધિમાન સાહાએ કરી કમાલ 

ગુજરાત માટે રીદ્ધિમાન સાહા અને શુભમન ગિલે પહેલી વિકેટ માટે જોરદાર ભાગીદારી કરી હતી. બંનેએ 12 ઓવરમાં 106   રનની ભાગીદારી કરી પોતાની ટીમને જીત લગભગ નક્કી કરી નાંખી હતી, પરંતુ તેવું થયું ન હતું. બંને સેટ બેટ્સમેન એક સાથે   આઉટ થયા હતા અને ગુજરાતની ટીમ છેલ્લે મેચમાં હારી ગઈ હતી.

આ સીઝનમાં મુંબઈની ટીમે બીજી વાર જીત   નોંધાવી છે. આ ટીમ પ્લેઓફની બહાર થઈ ગઈ છે, પરંતુ આવનારા વર્ષ માટે રોહિત યુવા ખેલાડીઓનો ઉપયોગ કરી શકે છે. ટીમ ડેવિડ સિવાય તિલક વર્મા ઉપર બધાની નજર રહેશે. જ્યારે, સુર્યકુમાર યાદવ અને ઈશાન કિશનનું ફોર્મમાં રહેવું ભારતીય ટીમ માટે ખૂબ જ જરૂરી છે.