રણવીર સિંહની ફિલ્મ 'જયેશભાઈ જોરદાર'નો ફર્સ્ટ લુક સામે આવી ગયો છે. આ ફિલ્મમાં રણવીર સિંહ એક ગુજરાતી યુવાનનો રોલ પ્લે કરશે. પોસ્ટરમાં ગુજરાતી યુવાનના લુકમાં રણવીર ઘણો સારો દેખાઈ રહ્યો છે. 'જયેશભાઈ જોરદાર'ના પોસ્ટરમાં રણવીરે પોલ્કા ડોટ ઓરેન્જ ટી-શર્ટ અને ફેડેડ પેન્ટમાં સ્માર્ટ લાગી રહ્યો છે અને પોસ્ટરમાં ઘણી મહિલાઓ ઘૂંઘટ કાઢીને ઊભી છે. આ ફિલ્મ માટે રણવીરે ઘણું વજન ઉતાર્યું છે.
રણવીર સિંહની ફિલ્મ 'જયેશભાઈ જોરદાર'નો ફર્સ્ટ લુક થયો રીલીઝ
રણવીર પ્રથમવાર આ ફિલ્મમાં ગુજરાતી યુવાનના પાત્રમાં જોવા મળશે
એક રિપોર્ટ પ્રમાણે, જયેશભાઈના કેરેક્ટર વિશે વાત કરતાં રણવીરે કહ્યું હતું કે, 'જે રીતે ચાર્લી ચેપલિને એકવાર કહ્યું હતું કે, "સાચી હસી માટે તમારી અંદર પીડા સહન કરવાની સમર્થતા હોવી જરૂરી છે" જયેશભાઈ એક સાધારણ વ્યક્તિ છે, જે કોઈ અસાધારણ પરિસ્થિતિમાં મૂકાય તો બધું જ સાધારણ કરી દે છે. જયેશભાઈ સંવેદનશીલ અને દયાળુ છે. તે સમાજમાં મહિલાઓ અને પુરૂષો વચ્ચે સમાન અધિકારોમાં વિશ્વાસ રાખે છે.'
આ છે રણવીરના અપકમિંગ પ્રોજેક્ટ્સ
વર્ક ફ્રન્ટની વાત કરીએ તો રણવીર ટૂંક સમયમાં ફિલ્મ '83'માં જોવા મળશે. કબીર ખાને આ ફિલ્મને ડિરેક્ટ કરી છે. ફિલ્મમાં રણવીર કપિલ દેવનો રોલ પ્લે કરી રહ્યો છે. ફિલ્મમાં તેની ઓપોઝિટ દીપિકા પાદુકોણ તેની પત્ની રોમી ભાટિયાના રોલમાં જોવા મળશે.