બોલિવુડ એક્ટર રણવીર સિંહ અને આલિયા ભટ્ટની ફિલ્મ 'ગલી બૉય' ની ઓસ્કાર ફિલ્મ એવોર્ડ્સ માટે ભારત તરફથી ઑફિશ્યલ એન્ટ્રી તરીકે પસંદગી થઇ છે. ઇન્ડિયન ફિલ્મ ફેડરેશન દ્વારા શનિવારે આ વાતની જાહેરાત કરવામાં આવી છે.
આગામી વર્ષે ફેબ્રુઆરીમાં થનારા આ પૉપ્યુલર એકેડમી એવોર્ડ્સ માટે રણવીર અને આલિયાની ફિલ્મ 'ગલી બૉય' ને બેસ્ટ ઇન્ટરનેશનલ ફિચર ફિલ્મ કેટેગરીમાં નૉમિનેટ કરવામાં આવી છે. ઝોયા અખ્તરે ડિરેક્ટ કરેલી આ ફિલ્મને ફેબ્રુઆરીમાં રિલીઝ કરવામાં આવી છે. આ ફિલ્મમાં રણવીર સિંહ, આલિયા ભટ્ટ સિવાય વિજય રાજ, કલ્કિ કોચિન, સિદ્ઘાર્થ ચતુર્વેદી, વિજય વર્મા અને અમૃતા સુભાષ પણ લીડ રોલમાં જોવા મળ્યા હતા.
દર વર્ષે ઓસ્કર એન્ટ્રી માટે ફિલ્મોની પસંદગી ફિલ્મ ફેડરેશન ઓફ ઇન્ડિયા દ્વારા કરવામાં આવે છે. આ ફેડરેશનના સેક્રેટરીએ જણાવ્યું કે ‘ગલી બૉય’ ફિલ્મની પસંદગીનો નિર્ણય સર્વસંમતિથી લેવાયો હતો. આ સિવાય પસંદગીની રેસમાં ‘બધાઈ હો’, ‘આર્ટિકલ 15’, ‘અંધાધુન’, ‘બદલા’ અને મલયાલમ ‘સુપર ડિલક્સ’ જેવી એકથી એક ચડિયાતી કુલ 28 ફિલ્મો શામેલ હતી.
'Gully Boy' becomes India's official entry to Oscars 2020
‘ગલી બૉય’ ફિલ્મ ઇન્ડિયન રેપર ડિવાઇન અને નેઈઝીની રિયલ લાઈફ સ્ટોરી પર આધારિત હતી.
ફિલ્મની સ્ટોરીની વાત કરવામાં આવે તો રણવીર મુંબઈની ધારાવીમાં રહેતા અને પોતાના સપના સાકાર કરવા સ્ટ્રગલ કરતા રેપર ‘મુરાદ’ના રોલમાં હતો અને આલિયા તેની ગર્લફ્રેન્ડના રોલમાં હતી. અન્ડરડોગ સ્ટોરી ધરાવતી આ મ્યુઝિકલ ફિલ્મને ઝોયા અખ્તરના જ પ્રોડક્શન હાઉસ ‘ટાઇગર બેબી’ના બેનર હેઠળ પ્રોડ્યૂસ કરવામાં આવી હતી. આ ફિલ્મ બોક્સઓફિસ પર તો હિટ રહી જ હતી સાથે-સાથે તેના ક્રિટિક્સને પણ પસંદ આવી હતી.