16 જૂનના ભારત અને પાકિસ્તાન વચ્ચે વર્લ્ડ કપ મેચ રમાઇ. મેચ જોવા માટે ઘણા બોલિવુડ અને ટેલિવુડના સેલેબ્સ આવ્યા હતા.
આ લિસ્ટમાં સૌથી પહેલા રણવીર સિંહનું નામ શામેલ થાય, જેણે મેચ દરમિયાન ટીમ ઇન્ડિયાનો ઉત્સાહ વધાર્યો અને સાથે જ કોમેન્ટ્રી પણ કરી. મેચ પછી રણવીર સિંહે સોશ્યલ મીડિયા પર કેટલાક ફોટોઝ પણ શૅર કર્યા છે, એવામાં રણવીર સિંહની એક પોસ્ટ પર વર્લ્ડ રેસલિંગ એન્ટરટેનમેન્ટના સ્ટાર બ્રોક લેસનરા વકિલે આપત્તિ જતાવી છે.
વાસ્તવમાં રણવીર સિંહએ ટીમ ઇન્ડિયાએ મેચ જીત્યા પછી કેટલાક ક્રિકેટર્સ સાથે ફોટોઝ ક્લિક કર્યા અને સોશ્યલ મીડિયા પર શૅર કર્યા. આ દરમિયાન રણવીરે એક ફોટો હાર્દિક પંડ્યાની સાથે પણ પોસ્ટ કર્યો અને કેપ્શન લખ્યુ કે, ''Eat. Sleep. Dominate. Repeat. The name is Hardik. Hardik Pandya.''
તમને જણાવી દઇએ કે, આ કેપ્શન પર બ્રોક લેસનરના વકીલ પૉલ હૈમને પણ આપત્તિ જતાવી. પૉલ હૈમને આરોપ લગાવતા કહ્યુ કે, રણવીર સિંહએ તે શબ્દોનો ઉપયોગ કર્યો છે જે શબ્દ બ્રૉક લેસનર રિંગમાં એન્ટ્રી કરતા સમયે કરે છે. આ સાથે જ પૉલે બ્રૉકનું સ્ટેટમેન્ટ પણ લખ્યુ છે.
હૈમને રણવીરના આ ટ્વીટનો જવાબ આપતાં લખ્યું કે, ‘રણવીર તું શું મજાક કરે છે? તે ઈટ, સ્લીપ, કોન્કર, રિપીટ છે. જે લેસનર અને તેના એડવોકેટનો કોપીરાઈટ છે. હું તારા પર કેસ ફાઈલ કરી શકું છું.’
આ પહેલીવાર નથી કે WWEના મેનેજર હૈમને તેના ફેમસ વાક્યના ઉપયોગ બદલ તે વ્યક્તિને તેના કોપીરાઈટની વાત કરી હોય. આ પહેલા તેણે ક્રિકેટ વર્લ્ડ કપના ઓફિશિયલ ટ્વિટર અકાઉન્ટને પણ એમએસ ધોની માટે તેના વાક્યને થોડા ફેરફાર સાથે યુઝ કરવા બદલ પણ કોપીરાઈટનો દાવો માંડ્યો હતો. ત્યારે ક્રિકેટ વર્લ્ડ કપે ધોનીના વખાણ કરતાં લખ્યું હતું કે, ''ઈટ સ્લીપ, ફિનિશ ગેમ્સ, રિપીટ.'' હૈમેન તેમને વળતો જવાબ આપતાં લખ્યું હતું કે, ‘મારું એકદમ (ઇન)સિન્સિઅર કોમ્પ્લિમેન્ટ ક્રિકેટ વર્લ્ડ કપને, મારા ફેમસ મંત્રથી અમેઝિંગ ધોનીના વખાણ કર્યા. અમારી રોયલ્ટી કેશ, ચેક, સ્ટોક કે ક્રિપ્ટોકરન્સીમાં ચૂકવી શકશો.’
જો તમે નથી જાણતા કે પૉલ હૈમેન કોણ છે, તો તમને જણાવી દઇએ કે, તે WWEના સુપરસ્ટાર બ્રૉક લેસનરના વકીલ છે.