બોલિવુડમાં સૌથી અનર્જેટિક એક્ટર રણવીર સિંહ પોતાની શાનદાર એક્ટિંગની સાથે પોતાની વાતોથી તમામને આકર્ષિત કરે છે. તાજેતરમાં જ પદ્માવતમાં 'અલાઉદ્દીન ખિલજી' નું કેરેક્ટર પ્લે કરનારા રણવીર સિંહને IIFA માં બેસ્ટ એક્ટરનો એવોર્ડ આપવામાં આવ્યો. બેસ્ટ એક્ટરનો એવોર્ડ લેવા માટે પહોંચેલા રણવીરે પોતાના વેક્સ સ્ટેચ્યૂને લઇને ખુલાસો કર્યો છે.
જ્યારે બેસ્ટ એક્ટર માટેનો એવોર્ડ લેવા માટે રણવીર સ્ટેજ પર હતો ત્યારે તેણે કહ્યું કે, ''મારા સાસુ કહેતા કે- તમે પણ ઘણી મહેનત કરો છો, અમે તમારું પણ એક સ્ટેચ્યુ જોવા ઇચ્છીએ છીએ. એટલા માટે મમ્મી અમે લંડન જઈ રહ્યા છીએ. હવે હું તમને લંડનમાં દેખાઈશ.'' દીપિકાનું વેક્સ સ્ટેચ્યુ પહેલેથી જ મ્યુઝિયમમાં હાજર છે. જ્યારે રણવીર આ વાત કહી રહ્યો હતો ત્યારે દીપિકા ઈમોશનલ થઇ ગઈ હતી.''
આ દરમિયાન રણવીરે દીપિકાના વખાણ કરતા કહ્યુ હતુ કે, ''મારે માત્ર એટલું કહેવું છે કે મારી પત્નીનું સ્ટેચ્યુ સૌથી સેક્સી છે. દીપિકા પર્ફેક્ટનિસ્ટ છે. હું ટૂંક સમયમાં ત્યાં મારો ડ્રેસ અને પોઝ ફાઇનલ કરવા માટે જઈ રહ્યો છું. આ અમારાં માટે છે, પતિ અને પત્ની મેડમ તુસાદ લંડનમાં એકસાથે હોઈશું.''
નોંધનીય છે કે, આ વર્ષે માર્ચમાં દીપિકાનું વેક્સ સ્ટેચ્યૂ મેડમ તુસાદ મ્યૂઝિયમ લંડનમાં લગાવવામાં આવ્યુ હતુ. જેની તૈયારીઓ છેલ્લા 1 વર્ષથી કરવામાં આવી હતી અને હવે ટૂંક સમયમાં રણવીર સિંહનું પણ લંડનમાં સ્ટેચ્યૂ જોવા મળશે.
દીપિકા પાદુકોણ અને રણવીર સિંહ પહેલી વખત ફિલ્મ 'ગોલિયો કી રાસલીલા- રામલીલા'માં જોવા મળ્યા હતા, આ દરમિયાન બંને એકબીજાને પ્રેમ કરવા લાગ્યા અને 6 વર્ષ સુધી ડેટ કર્યા પછી લગ્મ કર્યા. આ દરમિયાન 'બાજીરાવ મસ્તાવી' અને 'પદ્માવત' જેવી ફિલ્મોમાં કામ કર્યુ છે.આ કપલ લગ્ન બાદ પહેલીવાર પતિ પત્નીના રોલમાં ડિરેક્ટર કબીર ખાનની આગામી ફિલ્મ ‘83’માં જોવા મળશે. આ ફિલ્મમાં રણવીર કપિલ દેવના રોલમાં છે જ્યારે દીપિકા તેમની પત્ની રોમીના રોલમાં છે.