છેલ્લાં ઘણા સમયથી નિર્દેશક રાજકુમાર સંતોષીની ફિલ્મ 'અંદાજ અપના અપના'ની રિમેક બનાવાની ચર્ચા ચાલી રહી છે. આ ફિલ્મમાં પહેલા રણબીર કપૂર અને રણવીર સિંહ જોડે જોવા મળવાના હતા પરંતુ હવે ખબર આવી રહી છે કે આ ફિલ્મમાં રણબીર કપૂર જોવા મળશે નહીં. જેની જગ્યા પર હવે ફિલ્મમાં વરૂણ ધવન અભિનય કરશે. રણવીર સિંહ અને વરુણ ધવન અભિનય કરતાં જોવા મળશે. આ ફિલ્મમાં રણવીર અને વરુણ પ્રેમ અને અમરનું કિરદાર કરતા જોવા મળશે.
તમને જણાવી દઇએ તો ઓરિજનલ ફિલ્મમાં સલમાન ખાન અને આમિર ખાને પ્રેમ અને અમરનું પાત્ર ભજવ્યું હતું. એક રિપોર્ટ અનુસાર પ્રોડુયસર વિનય અને પ્રીતિ સિંહા અંદાજ અપના-અપના બનાવાની તૈયારી કરી રહ્યાં છે. જો કે હજુ સુધી ફિલ્મને લઇને વધુ જાણકારી સામે આવી નથી. ફિલ્મ અંદાજ અપના-અપનાની રિમેક હશે કે સિકવલ તે અંગે પણ કોઇ સત્તાવાર જાહેરાત કરવામાં આવી નથી. રાજકુમાર સંતોષીની ફિલ્મ અંદાજ અપના-અપનામાં સલમાન ખાન આમિર ખાન રવીના ટંડન કરિશ્મા કપૂર અને પરેશ રાવલ હતા. જો કે નવી ફિલ્મ રાજકુમાર સંતોષી ડાયરેકટ કરશે કે નહીં અંગે હજુ સુધી કોઇ ખુલાસો કરવામાં આવ્યો નથી.