રણવીર અને દિપીકાના લગ્ન તેમના ચાહકો માટે ખાસ આકર્ષણનું કેન્દ્ર બન્યા છે. આ સાથે જ તેમનો ચાહકવર્ગ લગ્ન સાથે જોડાયેલ તમામ બાબતો જાણવા માટે ખુબ ઉત્સુક છે.
ત્યારે ઇટાલીમાં યોજાનાર આ લગ્ન સમારંભમાં મહેમાનને ક્યાં-ક્યાં રસરંજન પીરસવામાં આવશે તેની એક યાદી તાજેતરમાં સામે આવી છે. આ મેનુમાં કેટલાય પ્રકારની ખાસ વાનગીઓ પીરસવામાં આવશે. ત્યારે ચાલો અમે આપને જણાવીએ દિપીકા અને રણવીરના લગ્નના ભોજન સમારંભનું મેનુ...
ઉલ્લેખનીય છે કે લગ્નમાં ભોજન સમારંભનું ખાસ મહત્વ હોય છે. આ સાથે લગ્નમાં આવેલ તમામ મહેમાનોની નજર પણ પીરસાયેલા રસરંજન પર કેન્દ્રીત હોય છે અને વિવિધ પ્રકારની વાનગી પૈકી ખાસ શું છે તેના પર વિશેષ નજર હોય છે.
આવી જ કાંઇક ખાસ વાનગીઓ દિપીકા અને રણવીરના લગ્ન સમારંભમાં જોવા મળશે. સૌ પ્રથમ જણાવી દઇએ કે દિપીકા અને રણવીરની 2 સંસ્કૃતિ (નોર્થ-સાઉથ)ના રીત-રિવાજો મુજબ લગ્ન થશે.
આ સાથે નોર્થ અને સાઉથ બંન્ને પ્રકારની સંસ્કૃતિની વાનગી જમણવારમાં પીરસવામાં આવશે. સાઉથ ડીશમાં ઢોસા ઇડલી ભાતથી બનાવવામાં આવેલ વિવિધ વાનગીઓ રસથાળમાં જોવા મળશે આ સાથે લગ્નમાં પંજાબી ડિશ પણ પીરસવામાં આવશે આ સાથે જ કોન્ટિંનેન્ટલ ડિશ અને ફિંગર ફૂડનો પણ લીસ્ટમાં સમાવેશ કરવામાં આવ્યો છે.
આપને જણાવી દઇએ કે સ્વિઝરલેન્ડથી ખાસ પ્રકારના રસોયા બોલાવવામાં આવ્યા છે જે લગ્ન કેક બનાવશે આ સાથે જ કેટલાય પ્રકારના ડેઝર્ટનો સ્વાદ પણ આ લગ્નમાં મહેમાનોને કરાવશે.