બોલિવુડના સ્ટાર કપલ રણવીર સિંહ અને દીપિકા પાદુકોણે ઇટાલીના લેક કોમામાં લગ્ન કર્યા. પહેલા દિવસે કોંકણી વિધીથી તો બીજા દિવસે સિંધી રિવાજ પ્રમાણે લગ્ન કર્યા. હવે લગ્ન પછી આ સ્ટાર કપર મુંબઇ પરત ફર્યુ છે.
રણવીર સિંહના મુંબઇના ઘરે અત્યારે ઉત્સવનો માહોલ છે. નવી દુલ્હનને વધાવવા માટે ઘરને રોશનીથી સજાવવામાં આવ્યુ છે જોકે દીપિકા આ ઘરમાં લાંબા સમય સુધી નથી રહેવાની. એક નજીકના સૂત્રોનુસાર રણવીર અને દીપિકા જુહુ વિસ્તારમાં આલીશાન બંગલો ખરીદ્યો છે. તેની કિંમત જાણીને તમે પણ ચોંકી જશો.
સૂત્રોના જણાવ્યા મુજબ આ બંગલાની કિંમત 50 કરોડ રૂપિયા છે. રણવીર અને દીપિકા ઘણા સમયથી તેમના માટે એક પરફેક્ટ ઘરની તલાશમાં હતા અને તેમણે આ પ્રોપર્ટી જોઇ ત્યારથી જ તેમનું દિલ તેના પર આવી ગયુ હતુ. આ વિશાળ બંગલાની કિંમત 50 કરોડ રૂપિયા છે. અત્યારે આ ઘરમાં ઇન્ટિરિયર ડિઝાઇનિંગનું કામ ચાલી રહ્યુ છે. ત્યાં સુધી આ બંને રણવીર સિંહના હાલના ઘર શ્રીમાં રહેશે.