વર્ષ 2022માં બોલીવુડના ટોપ સ્ટાર્સની આવક ઘટી છે. આવુ જાહેરાતમાંથી મળતી રકમમાં થયેલા ઘટાડાને કારણે થયુ છે. મોટા પડદા પર અભિનય કરનારા ખેલાડી કુમાર એટલેકે અક્ષય કુમાર અને સિમ્બા રણવીર સિંહને મોટો ઝટકો લાગ્યો છે, આ બંને સ્ટાર ટોપ એન્ડોર્સર્સ તરીકે મનાય છે.
વર્ષ 2022માં બોલીવુડના ટોપ સ્ટાર્સની આવક ઘટી
જાહેરાતમાંથી મળતી રકમમાં થયેલા ઘટાડાને કારણે આવુ થયુ
અક્ષય કુમાર અને સિમ્બા રણવીર સિંહને મોટો ઝટકો લાગ્યો
જાહેરાતના દરમાં 10-20 ટકાનો ઘટાડો
બિઝનેસ ટુડેની રિપોર્ટ મુજબ, આખા બોલીવુડમાં ટોપ સ્ટાર્સના રેટમાં ઘટાડો નોંધાયો છે. રણવીર સિંઘ અને અક્ષય કુમાર જેવા સર્વોચ્ચ અભિનેતા સહિત બોલીવુડના સૌથી લોકપ્રિય સ્ટારને મળતી જાહેરાતના દર 10 થી 20 ટકા સુધી ઘટી ગયા છે. જેની સીધી અસર તેમની કમાણી પર થઇ છે અને આ ઘટાડાની ભરપાઈ માટે હવે આ અભિનેતા અલગ-અલગ કેટેગરીમાં ઘણુ વધારે એડ કરવુ અને આ વસ્તુઓને વધુ સમય આપવામાં લાગ્યા છે.ત
2021માં થઇ હતી આટલી કમાણી
આ વર્ષે બૉક્સ ઑફિસ પર હિન્દી ફિલ્મોના ડ્રાય રનની વચ્ચે સ્ટારની કમાણી ખૂબ પ્રભાવિત થઇ. રણવીર સિંહ અને અક્ષય કુમાર જેવા ટોપ અભિનેતાઓ તેની ઝપેટમાં છે. રિપોર્ટ મુજબ ગયા વર્ષે એટલેકે 2021માં રણવીર સિંહ 158.3 મિલિયન ડૉલર અને અક્ષય કુમાર 139.6 મિલિયન ડૉલર બ્રાન્ડ મૂલ્યની સાથે બોલીવુડ અભિનેતામાં સૌથી વધારે ફી લેનારા કલાકાર હતા. પરંતુ કોરોના મહામારી બાદ તેમની આવકમાં ઘટાડો જોવા મળી રહ્યો છે.
સ્ટાર્સની બ્રાન્ડ વેલ્યુ પર અસર
એલ્કેમિસ્ટ માર્કેટીંગ એન્ડ ટેલેન્ટ સૉલ્યુશન્સના એમડી મનીષ પોરવાલ કહે છે, મહામારી બાદ બોલીવુડ સ્ટાર એક સુપરહિટ ફિલ્મ માટે આતુર છે. રણવીરની છેલ્લી મોટી હિટ 2019ની ગલી બોય હતી. મહામારી બાદ 83 અને જયેશભાઈ જોરદાર જેવી ફિલ્મો ફ્લોપ રહી. તો અક્ષય કુમારને 2020માં લક્ષ્મી બાદ બેલ બૉટમ, અતરંગી રે, બચ્ચન પાંડે, સમ્રાટ પૃથ્વીરાજ, રક્ષાબંધન, કઠપુતલી અને રામ સેતુની સાથે આઠ ફ્લોપ ફિલ્મો મળી છે. આ દરમ્યાન તેમની એકમાત્ર હિટ સૂર્યવંશી રહી. જેમાં રણવીર સિંહ પણ ગેસ્ટ એપિયરન્સમાં જોવા મળ્યાં હતા.