ભારતીય મૂળનો રણવીરસિંહ સંધુ બ્રિટનના સૌથી યુવાન એકાઉન્ટન્ટ બની ગયાે છે. ૧૫ વર્ષના રણવીરે સ્કૂલમાં જ પોતાની એકાઉન્ટન્સી ફર્મ બનાવી લીધી છે. તે નાણાકીય સલાહકારના રૂપમાં પોતાની કરિયર બનાવવા ઇચ્છે છે.
રણવીરે કહ્યું કે હું યુવા વ્યવસાયીઓને તેમનો વ્યવસાય સ્થાપવામાં મદદ કરવા ઇચ્છું છું. હું મારા કામ માટે એક કલાકની ૧૨થી ૧૫ પાઉન્ડ ફી લઉંં છું. મને સ્કૂલ અને કામને લઇને કોઇ સ્ટ્રેસ રહેતો નથી.
હું આગળ જઇને કરોડપતિ બનવા ઇચ્છું છું અને મારા વ્યવસાયને આગળ વધારવા ઇચ્છું છું. રણવીરે ૧૨ વર્ષની ઉંમરમાં જ લેવલ-૩ સીપીડી બેઝિક એકાઉન્ટિંગનો ઓનલાઇન સર્ટિફિકેટ કોર્સ કરી લીધો હતો. જૂન-૨૦૧૬માં તેણે ડિજિટલ બિઝનેસ એકાઉન્ટ શરૂ કર્યું. રણવીર ખાસ કરીને પોતાના ઘરેથી જ કામ કરે છે.
રણવીરના પિતા અમનસિંહ સંધુ બિલ્ડર છે, જ્યારે તેની માતા દલવીરકૌર સંધુ એસ્ટેટ એજન્ટ છે. રણવીર પોતાની કમાણીમાંથી બચાવેલા પૈસાથી રજા પર જવા ઇચ્છે છે, સાથે-સાથે ડ્રાઇવિંગ લાઇસન્સ મળ્યા બાદ એક કાર પણ ખરીદવા ઇચ્છે છે.