રણવીરસિંહે પોતાના જન્મદિવસ પર અપકમિંગ ફિલ્મ ‘૮૩’નો ફર્સ્ટ લુક રિલીઝ કર્યો. ફિલ્મમાં રણવીર સેમ-ટુ-સેમ કપિલદેવ જેવો દેખાઇ રહ્યો છે. જેમાં રણવીરે કપિલદેવ જેવા દેખાવા ચાર નિષ્ણાતની મદદ લીધી હતી.
કપિલદેવ જેવા દેખાવવા માટે રણવીરે આ કામમાં મેકઅપ, હેરસ્ટાઇલ, બોડી ટ્રેનર અને ક્રિકેટ એક્સ્પર્ટે પણ મહેનત કરી છે. રણવીરે પણ આ ફિલ્મનું શૂટિંગ શરૂ કરતાં પહેલાં ૧૦ દિવસ કપિલના દિલ્હી સ્થિત ઘર પર તેની સાથે વીતાવ્યા.
આ પાત્રમાં જ્યારે રણવીરની પસંદગી થઇ તો સૌથી પહેલાં તેની હાઇટને કપિલની હાઇટ સાથે મેચ કરાઇ. રણવીરની હાઇટ (૧.૭૭) મી. અને કપિલની હાઇટ (૧.૮૩) મી હતી. આ બંનેની હાઇટમાં ખાસ ફરક નહોતો. તેમની હાઇટ ઉપરાંત બોડી અને પંજાબી હોવું પણ મુખ્ય કારણ હતું. રણવીરનું બોડી પણ એક હદ સુધી કપિલ સાથે મળતું આવે છે, પછી તે હાથ-પગની લંબાઇ હોય કે પછી બાયસેપ્સ.
રણવીર અને કપિલ એકસાથે ક્રિકેટ અને ગોલ્ફ રમ્યા. આ ઉપરાંત સાથે જમ્યા પણ ખરા. રણવીરે કપિલના જૂના વીડિયો જોયા અને તેના વિશે વધુમાં વધુ વાંચન કર્યું. કપિલે રણવીરને બોલિંગ અને બેટિંગની ટ્રેનિંગ પણ આપી. રણવીરની બેટિંગ પહેલાંથી જ સારી હતી, પરંતુ કપિલની બોલિંગ સ્ટાઇલ કેચ કરવા માટે તેને મહેનત કરવી પડી.
કપિલે રણવીરને ગરદન અને પીઠ પર ભાર આપીને બોલિંગ કરવાનું શીખવ્યું. રણવીરે આ માટે પોતાના બોડીના મિકેનિક્સ બદલવા પડ્યા. આ સમગ્ર કામમાં તેની મદદ માટે એક બોડી કોચ પણ હાયર કરાયો. રણવીરના વાળને કપિલના વાળ સાથે મેચ કરવા એક સ્પેશિયલ વીગ ડિઝાઇન કરાવાઇ.
રણવીરની આઇબ્રો અને કપિલની આઇબ્રોને પણ મેચ કરાવાઇ. આ સમગ્ર લુકમાં પ્રોસ્થેટિકનો ઉપયોગ માત્ર રણવીરના નાક પર કરાયો. કપિલનું નાક થોડું શાર્પ છે. તેથી પ્રોસ્થેટિકની મદદથી રણવીરના નાકને કપિલના નાક જેવું બનાવાયું. આ લુકને એકદમ પરફેક્ટ બનાવવા માટે પોસ્ટ પ્રોડક્શન દરમિયાન હાઇ વીએફએક્સનો ઉપયોગ કરાશે, જેથી ફિલ્મમાં તમામ એક્ટર્સનો લુક ક્રિકેટર જેવો લાગે.