પોતાની પ્રતિભાને કારણે રાતો-રાત સ્ટાર બની ગયેલ રાનૂ મંડળ હાલ ખુબ જ ચર્ચામાં છે. રેલ્વે સ્ટેશન પર ગીત ગાઈને આજીવિકા મેળવનાર રાનૂ સોશિયલ મીડિયા પર વાયરલ થઇ અને તે બોલિવૂડની માયાનગરી સુધી પહોંચી ગઇ છે.
લતા મંગેશકરનું ગીત ગાઈને સોશિયલ મીડિયા પર આવી ચર્ચામાં
તેના અવાજનો જાદુ એવો હતો કે રાનૂનો અવાજ સાંભળીને લોકો એક સાથે ઉભા રહેતાં અને તેનું ગીત સાંભળતા. તેણી સોશિયલ મીડિયા પર લતા મંગેશકરનું ગીત ગાઈને સોશિયલ મીડિયા પર ચર્ચામાં આવી તેમણે હિમેશ રેશમિયા સાથ પોતાનું પહેલું ગીત સ્ટૂડિયોમાં રેકોર્ડ કર્યું.
રાનૂ મંડલે કર્યો ખુલાસો
નોંધનીય છે કે, રાનૂ હાલ સોની ટીવી પર આવતા સિંગિંગ રિયાલિટી શો 'સુપરસ્ટાર સિંગર'માં ખાસ મહેમાન બનીને પહોંચી હતી. રાનૂને શોના હોસ્ટ જય ભાનુશાલીએ પૂછ્યું કે તમે રેલવે સ્ટેશન પર આ રીતે ગીત કેમ ગાઇ રહ્યા હતા ? રાનૂએ હસતા-હસતા જવાબ આપ્યો કે, હું રેલવે સ્ટેશન પર એટલા માટે ગીત ગાઇ રહી હતી કારણ કે મારી પાસે રહેવા માટે ઘર નહોંતુ અને ગીત ગાઇને હું પેટ ભરતી હતી. કોઇ બિસ્કીટ આપે તો વળી કોઇ પૈસા આપતું.
10 વર્ષે દીકરી સાથે થયો મેળાપ
નોંધપાત્ર વાત એ છે કે, રાનૂના આ ગીતને કારણે, તેની જિંદગી ઘણા સ્તરો પર બદલાઈ ગયું છે. રાનૂ મંડળ અને તેની પુત્રી છેલ્લા 10 વર્ષથી સંપર્કમાં નહોતા. પરંતુ રાનૂનો આ વાયરલ વીડિયોએ માતા અને પુત્રીને એક બીજા સાથે જોડી દીધા. એક દાયકા બાદ રાનૂની પુત્રી તેને ઘરે મળવા માટે આવી પહોંચી હતી. આ અંગે રાનૂએ કહ્યું- "આ મારું બીજું જીવન છે અને હું તેને સુધારવાનો પ્રયત્ન કરીશ."
અતિન્દ્ર ચક્રવર્તીએ વાયરલ કર્યો રાનૂ મંડલનો વીડિયો
એક દિવસ રાનૂ ગીત ગાઇ રહ્યા હતા, જ્યારે અતિન્દ્ર ચક્રવર્તી (Atindra Chakraborty) ત્યાં હાજર હતો અને તેણે એક વિડિઓ બનાવ્યો હતો. અતિન્દ્રએ આ વીડિયોને તેના ફેસબુક એકાઉન્ટ પરથી શેર કર્યો છે. તે પછી શું થયું તે દરેકને ખબર છે. હિમેશ રેશમિયા માટે જ્યારે રાનૂ ગીત રેકોર્ડ કરતી હતી ત્યારે અતિન્દ્ર પણ સ્ટુડિયોમાં હાજર હતો.