રાનૂ મંડલનો 'આદત' સૉન્ગનો મેકિંગ વીડિયો રિલીઝ થઇ ગયો છે. જેને જોતજોતામાં જોર ધૂમ મચાવી દીધી છે. થોડાક જ કલાકોમાં રાનૂના આ વીડિયોને હજારો લોકોએ જોઇ નાંખ્યો છે. તમે પણ જોશો આ વીડિયો તો દંગ રહી જશો.
રાનૂ મંડલના બીજા એક વીડિયોએ સોશ્યલ મીડિયા પર મચાવી ધૂમ
થોડાક જ કલાકોમાં રાનૂના આ વીડિયોને હજારો લોકોએ જોઇ નાંખ્યો
રાનૂ મંડલ, લતા મંગેશકરથી પ્રેરિત છે
રાનૂ મંડલના બીજા એક વીડિયોએ સોશ્યલ મીડિયા પર ધૂમ મચાવી દીધી છે. લતા મંગેશકરનું ગીત 'એક પ્યાર કા નગમા હે' ગઇને ફેમસ થયેલી રાનૂ મંડલને હિમેશ રેશમિયાએ પોતાની નવી ફિલ્મ 'હેપ્પી હાર્ડી એન્ડ હીર'માં ગીત ગાવાની તક આપી. થોડાક દિવસો અગાઉ હિમેશ અને રાનૂ મંડલના અવાજમાં ગીત 'તેરી મેરી કહાની' રિલીઝ થયું હતું. હવે રાનૂ મંડલનું બીજું એક ગીત 'આદત'નો વીડિયો શેર કરવામાં આવ્યો છે.
ગીતના રિલીઝ પહેલા હિમેશે એનો મેકિંગ વીડિયો શેર કર્યો છે. જેમાં રાનૂ મંડલ ગીત ગાતી નજરે આવી રહી છે અને હિમેશ રેશમિયા એને ગાઇડ કરતો નજરે આવી રહ્યો છે. મેકિંગ વીડિયો સામે આવતા જ વાયરલ થઇ ગયો. હજારો લોકોએ આ વીડિયો જોઇ લીધો છે.
વીડિયો શેર કરતાં હિમેશે કેપ્શનમાં લખ્યું 'આદતના મેકિંગ દરમિયાન મને અહેસાસ થયો કે રાનૂનો અવાજ માત્ર એક ગીત માટે પ્રભાવિત કરનારી નહતો તમે પણ મારી સાથે સહેમત હશો જો તમે એક વખત 'આદત' સાંભળી લીધું. એમના અવાજમાં ખરેખર જાદૂ છે. તમારા દરેકના સમર્થન માટે આભાર.'
રાનૂ મંડલ લતા મંગેશકરની ખૂબ જ મોટી ફેન છે. જ્યારે લતા મંગેશકર સુધી રાનૂનો વીડિયો પહોંચ્યો તો એમને પ્રતિક્રિયા આપતા કહ્યું હતું કે એ એમના ઓરિજનલ અવાજમાં ગાય અને નકલ ના કરે. લતા મંગેશકરના આ નિવેદન પર હવે રાનૂ મંડલે કહ્યું કે 'હું લતાજીની ઉંમરના હિસાબથી નાની હતી, નાની છું અને નાની રહીશ. એમનો અવાજ મને બાળપણથી જ પસંદ છે. જ્યારે હું ગામ છોડીને કલકતા પહોંચી તો તે લતા જી ના ગીત રેડિયો પણ સાંભળતા હતા. લતા જી ના સુરીલા અવાજના લીધે તો એમને સ્વર કોકિલા કહેવામાં આવે છે.'
'તેરી મેરી કહાની' ગીતના લૉન્ચિંગ દરમિયાન જ્યારે હિમેશ રેશમિયાને લતા મંગેશકર માટે પ્રશ્ન પૂછવામાં આવ્યો તો એમને કહ્યું હતું કે 'દરેક લોકો ક્યાંકને ક્યાંકથી કોઇનાથી પ્રેરિત થાય છે. એવી જ રીતે રાનૂ મંડલ, લતા મંગેશકરથી પ્રેરિત છે. જેવી રીતે કુમાર સાનૂ ખુદને કિશોર કુમારથી પ્રેરિત જણાવે છે, બસ એવી જ રીતે. કોઇ લતા જી જેવું બની શકે નહીં. એ મહાન ગાયિકા છે અને એમની જે સફર રહી છે એમનાથી કોઇ પણ પ્રેરિત થઇ શકે છે. '