ના હોય / દીપિકાની ફિલ્મમાં રાનૂ માંડલ ગાશે ગીત, વીડિયો શૅર કરીને એક્ટ્રેસે આપી જાણકારી

• રાનૂ માંડલ દીપિકા સાથે કરશે કામ
• દીપિકાની ફિલ્મમાં ગાશે ગીત 
• ટ્વિટ કરીને દીપિકાએ આપી જાણકારી 

My movie ....Sarojini ...written by Dhiraj Mishra songs to be sung by ranu Mandal @DhirajM61408582 pic.twitter.com/a6TpbrfT7G

— Dipika Chikhlia Topiwala (@ChikhliaDipika) November 10, 2020

હાલમાં જ રાનૂ માંડલને બીજો મોટો પ્રોજેક્ટ મળ્યો છે કે જે રામાયણની સીતા સાથે છે. આ પ્રોજેક્ટ ખુબ ખાસ છે, રામાયણની સીતા એટલા કે દીપિકા ચિખલીયાની આગામી ફિલ્મ સરોજીનીમાં રાનૂ એક ગીત ગાતી જોવા મળશે. આ વાતનુ એલાન દીપિકાએ પોતે જ કર્યુ છે. 

અભિનેત્રી દીપિકા ચિખલીયાએ પોતાના ટ્વિટર એકાઉન્ટ પર રાનૂનો એક વીડિયો શૅર કર્યો છે, જેમાં રાનૂ કહી રહી છે કે, હવે હું ધીરજ મિશ્રાજી સાથે કે જે દેશભક્તિની ફિલ્મો બનાવે છે તેમની સાથે એક ફિલ્મ માં કામ કરી રહી છું. સરોજીની અને સિતમગર.. આ ફિલ્મના બધા જ ગીત હું ગાવાની છું. મને આશા છે કે મને તમારા તરફથી પ્રેમ અને સન્માન મળશે, જે તમે આજ સુધી આપતા આવ્યા છો. આભાર

આ વીડિયોને શૅર કરતા દીપિકાએ લખ્યું, મારી ફિલ્મ...સરોજીની...ધીરજ મિશ્રા દ્વારા લખવામાં આવેલ ગીતોને રાનુ માંડલે ગાયા છે. આ વીડિયો ખુબ વાયરલ થઇ રહ્યો છે. 

  જો કે આ ફિલ્મને લઇને વધુ જાણકારી સામે આવી નથી. આ પહેલા રાનૂએ હિમેશ સાથે ફિલ્મ હેપ્પી હાર્ડી અને હીરમાં કેટલાક ગીત ગાયા હતા અને તેનુ ગીત તેરી મેરી કહાની સોશ્યલ મિડીયા પર હિટ સાબિત થયુ હતુ.