રાનૂ મંડલ તેની ગાયકીથી ઈન્ટરનેટ પર રાતોરાત સ્ટાર બની ગઈ હતી. ક્યારેક રેલ્વે સ્ટેશન પર ભટકતી રાનૂ મંડલનો એક વીડિયો વાયરલ થયો અને તે સ્ટાર બની ગઈ. એક રિયાલિટી શોમાં મ્યુઝિક ડિરેક્ટર હિમેશ રેશમિયાનું ધ્યાન આકર્ષિત થયું. આ પછી હિમેશ રેશમિયાએ તેની સાથે ઘણાં ગીતો ગાયાં.
મલયાલમ ગીતો ગાતો વીડિયો થયો વાયરલ
મલયાલમમાં રાનુ એટલી સારી નથી
મેકઅપ અને ડ્રેસિંગને લઈને ટ્રોલ થાય છે રાનૂ
રાનૂને તમે હિન્દી ગીતો ગાતા સાંભળી હશે, પરંતુ હવે સોશિયલ મીડિયા પર રાનૂના મલયાલમ ગીતો ગાતા વીડિયો વાયરલ થઈ રહ્યાં છે. જેમાં રાનૂ મંડલ એક જૂનું સુપરહિટ મલયાલમ ગીત ગાતી જોવા મળી રહી છે. રાનૂ એક વીડિયોમાં ક્યૂ કાર્ડમાંથી વાંચીને ગીત ગાઈ રહી છે અને અન્ય એક ફેમસ સિંગરના નોટ્સ ફોલો કરી રહી છે.
જોકે, વીડિયોમાં સ્પષ્ટ દેખાઈ રહ્યું છે કે મલયાલમમાં રાનુ એટલી સારી નથી. જે રીતે રાનૂ રિયાલિટી શોમાં જઈ રહી છે તે જોતા લાગી રહ્યું છે કે તેને માટે આગળ ઘણી તક મળી શકે છે. તમને જણાવી દઈએ કે રાનૂ મંડલે સૌ પ્રથમ હિમેશ રેશમિયા સાથે તેરી મેરી કહાની ગીત ગાયું હતું, જે સુપરહિટ થઈ ગયું. એ પછી રાનૂએ ઘણાં ગીતો ગાયા.
રાનૂ મંડલ ઘણીવાર તેના મેકઅપ અને ડ્રેસિંગને લઈને સોશિયલ મીડિયા પણ ટ્રોલ થઈ છે. તેમને અજીબ મેકઅપ અને વધુ પડતાં સ્ટાઈલિશ કપડાં પહેરવા માટે ટ્રોલ કરવામાં આવી છે. તેના રંગને લઈને થતાં બદલાવને જોઈને સોશિયલ મીડિયા પર ઘણાં નેગેટિવ કમેન્ટ્સ આવ્યા હતા.