હિમેશ અને રાનૂનું 'તેરી મેરી કહાની' ફર્સ્ટ સોંગ રિલીઝ
આ ફિલ્મના સોંગ્સ હિમેશ રેશમિયાની સાથે ઇન્ટરનેટ સેન્સેશન રાનૂ મંડલે ગાયા છે. 'તેરી મેરી કહાની..' સોંગનું ટિઝર રિલીઝ થતાની સાથે પૉપ્યુલર થઇ ગયુ હતુ. જોકે હવે હિમેશ-રાનૂનું આ સોંગ રિલીઝ કરવામાં આવ્યુ છે.
સોંગના લોન્ચ ઇવેન્ટમાં હિમેશ રેશમિયાની સાથે તેની પત્ની સોનિયા કપૂર અને રાનૂ મંડલ હાજર હતા. આ દરમિયાન અચાનક મીડિયાની સાથે વાત કરતા હિમેશ રેશમિયા ઇમોશનલ થઇ ગયો હતો, જે વખતે હિમેશ ઇમોશનલ થયો ત્યારે તેમની પત્નીએ આંસુ લૂછ્યા. સોશ્યલ મીડિયા પર હિમેશના આ ફોટોઝ વાયરલ થઇ રહ્યા છે.
ઉલ્લેખનીય છે કે, રાનૂ મંડલે બોલિવુડમાં પોતાનું સોંગ રેકોર્ડ કર્યુ તેનો વીડિયો સોશ્યલ મીડિયા પર વાયરલ થયું છે. આ સોંગનું રેકોર્ડિંગ જોયુ ત્યારથી જ રાનૂ મંડલના ફેન્સમાં આખું સોંગ સાંભળવા માટે આતુર હતા. છેવટે રાનૂ મંડલનું આ સોંગ રિલીઝ થઇ ગયુ છે. આ સોંગમા રાનૂ મંડલ અને હિમેશ રેશમિયાએ ડ્યૂએટ કર્યુ છે.
‘હેપ્પી હાર્ડી એન્ડ હીર’ માટે હિમેશે રાનૂ પાસે ત્રણ સોંગ્સ રેકોર્ડ કરાવ્યા છે. જેમાં બાકીના 2 સોંગ્સ 'આદત' અને 'આશિકી મેં તેરી' છે.
ઉલ્લેખનીય છે કે, રાનૂ ન્યૂરોલોજિકલ ડિસઓર્ડર અને પેનિક એટેકની પીડિત છે. રાનૂ પોતાના ઘરેથી નીકળીને પશ્ચિમ બંગાળના નાડિયા જિલ્લાના રાણાઘાટ સ્ટેશન પર પહોંચી ગઇ હતી. સ્ટેશન પર તે ગીત ગાઈ રહી હતી તે સમયે મુસાફરે સોશ્યલ મીડિયા પર વીડિયો અપલોડ કર્યો હતો.