રણજી ટ્રોફી ટૂર્નામેન્ટમાં હિમાચલ પ્રદેશની ટીમ ઉત્તરાખંડ સામે માત્ર 49 રનમાં ઓલઆઉટ થઈ ગઈ હતી. ઉત્તરાખંડની જેમ એક સ્ટાર બોલરે શાનદાર પ્રદર્શન કરી 8 વિકેટ મેળવી હતી.
ઉત્તરાખંડ સામે માત્ર 49 રનમાં ઓલઆઉટ થઈ ટીમ હિમાચલ
49 રનમાં આખી ટીમ પવેલીયન-ભેગી કરી નાખી
જાણો કોણ છે આ શાનદાર બોલર
ક્રિકેટ અનિશ્ચિતતાની રમત માનવામાં આવે છે. આગામી બોલ પર શું થશે તેની તમે કલ્પના પણ ન કરી શકો. ઉત્તરાખંડ અને હિમાચલ પ્રદેશ વચ્ચે રમાયેલી રણજી ટ્રોફી મેચમાં પણ કંઈક આવું જ બન્યું હતું. જ્યારે 32 વર્ષીય બોલરે શાનદાર બોલિંગના કારણે 8 વિકેટ ઝડપીને વિરોધી ટીમને ધરાશાયી કરી નાખી હતી. પ્રથમ બેટિંગ કરતા હિમાચલ પ્રદેશની ટીમ ઉત્તરાખંડ સામે માત્ર 49 રન જ બનાવી શકી હતી.
49 રનમાં આખી ટીમ પવેલીયન-ભેગી
હિમાચલ પ્રદેશના કેપ્ટન ઋષિ ધવને ટોસ જીતીને પ્રથમ બેટિંગ કરવાનો નિર્ણય કર્યો હતો. તેમનો નિર્ણય બહુ અસરકારક સાબિત થયો ન હતો. જ્યારે હિમાચલની ટીમની બેટિંગ ખરાબ રીતે વેરવિખેર થઈ ગઈ હતી અને ટીમ મળીને પણ માત્ર 49 રન જ બનાવી શકી હતી.
હિમાચલ તરફથી અંકિત કસેલીએ સૌથી વધુ રન બનાવ્યા હતા. તેણે 26 રનનું યોગદાન આપ્યું હતું. તે જ સમયે ઉત્તરાખંડ તરફથી દીપક ધાપોલાએ સૌથી વધુ 8 વિકેટ લીધી અને 2 વિકેટ અભય નેગીના ખાતામાં ગઈ.
આ બોલરે કર્યો કમાલ
હિમાચલ પ્રદેશના 32 વર્ષીય બોલર દીપક ધપોલાએ કિલર બોલિંગ કરી હતી. તેણે 8.5 ત્રણ ઓવરમાં 35 રન આપીને 8 વિકેટ લીધી હતી. તેણે હિમાચલના બેટ્સમેનોને ક્રિઝ પર રહેવાની તક આપી ન હતી અને તેની સામે આખી હિમાચલની બેટિંગ ધરાશાયી થઈ ગઈ.
હિમાચલ પ્રદેશના 5 બેટ્સમેન ખાતું પણ ખોલાવી શક્યા ન હતા. તેમના સિવાય બાકીના 5એ બે આંકડાના રન સુધી પણ ન હતા પહોંચી શક્યા. ફક્ત એક બેટર હતો જેણે 26 રન બનાવ્યા.