IPLIN
 
  • Home
  • Sports
  • Cricket
  • India
  • Ranji Trophy 2022 final: Madhya Pradesh create history, capture maiden title by defeating Mumbai

ઘરેલુ ક્રિકેટ / મધ્યપ્રદેશે ઈતિહાસ રચ્યો, 67 વર્ષ બાદ રણજી ટ્રોફીનો ખિતાબ જીત્યો, ફાઈનલમાં મુંબઈને આપ્યો પરાજય

Team VTV 03:33 PM, 26 Jun 22 | Updated: 03:39 PM, 26 Jun 22
Follow us
Ranji Trophy 2022 final: Madhya Pradesh create history, capture maiden title by defeating Mumbai

મુંબઈને 6 વિકેટે પરાજય આપીને મધ્યપ્રદેશે 67 વર્ષ બાદ પહેલી વાર રણજી ટ્રોફીનો ખિતાબ જીતીને ઈતિહાસ રચ્યો છે.

  • મધ્યપ્રદેશે રચ્યો ઈતિહાસ 
  • 67 વર્ષ બાદ રણજી ટ્રોફીનો ખિતાબ જીત્યો
  • ફાઈનલમાં મુંબઈને 6 વિકેટે આપ્યો પરાજય 
  • રજત પાટીદાર, યશ દુબે, શુભમ શર્મા કર્યો રનનો વરસાદ 
  • મુંબઈની ટીમે રણજી ટ્રોફીમાં 41 વાર વિજયી થઈ છે
  • પણ 42મી વખત ન ચાલ્યો જાદુ, મધ્યપ્રદેશની ટીમ આગળ હારી

બેંગલુરુના એમ ચિન્નાસ્વામી સ્ટેડિયમમાં રમાયેલી રણજી ટ્રોફીની ફાઈનલમાં મુંબઈની ટીમને 6 વિકેટે પરાજય આપીને મધ્યપ્રદેશે 67 વર્ષ બાદ ખિતાબ પોતાને નામે કર્યો છે. મધ્યપ્રદેશે ઈતિહાસ રચી દીધો. વર્ષ 2022ની રણજી ટ્રોફીની અંતિમ મેચમાં મધ્યપ્રદેશે મુંબઈને 6 વિકેટે હરાવીને પ્રથમ વખત ટાઇટલ જીત્યું હતું. જણાવી દઈએ કે મધ્ય પ્રદેશની ટીમ 1954-55થી રણજી ટ્રોફી રમી રહી છે. આવી સ્થિતિમાં તેણે 67 વર્ષના દુષ્કાળનો અંત આણ્યો હતો અને રણજી ટ્રોફીનો ખિતાબ પોતાના નામે કર્યો હતો.

મધ્યપ્રદેશનો રનનો ખડકલો કર્યો, 536એ પહોંચાડ્યો આંકડો 
ફાઇનલ મેચમાં પહેલા બેટિંગ કરીને મુંબઇએ  374 રન બનાવ્યા હતા. જવાબમાં રજત પાટીદારના 122, યશ દુબેના 133 અને શુભમ શર્માના 116ના સ્કોરને સહારે મધ્યપ્રદેશે 536 રન ખડક્યા હતા અને 162 રનની જંગી સરસાઈ મેળવી હતી, જે પછી મુંબઈની બીજી ઈનિંગ 269માં સમેટાઈ હતી. આ રીતે મધ્ય પ્રદેશને 108 રનનો ટાર્ગેટ મળ્યો હતો, જેને તેણે ચાર વિકેટ ગુમાવીને હાંસલ કરી લીધો હતો.

બીજી ઈનિંગમાં રજત પાટીદારે 29 રનની વિનિંગ ઈનિંગ રમી
મધ્ય પ્રદેશ તરફથી પ્રથમ ઈનિંગમાં સદી ફટકારનાર રજત પાટીદારે બીજી ઈનિંગમાં પણ કમાલ કરી બતાવી હતી. રજતે બીજી ઈનિંગમાં 29 રનની વિનિંગ ઈનિંગ રમી હતી. આ દરમિયાન તેણે ચાર ચોગ્ગા ફટકાર્યાં હતા. આ ઉપરાંત બીજી ઈનિંગમાં હિમાંશુ મંત્રીએ 37 અને શુભમ શર્માએ 30 રન ફટકાર્યા હતા.

41 વારની ચેમ્પિયન ટીમ મુંબઈનો પરાજય 
મધ્યપ્રદેશની ટીમે 41 વારની રણજી ટ્રોફી ચેમ્પિયન ટીમ મુંબઈને પરાજય આપ્યો છે. 

Ranji Trophy 2022 final Ranji Trophy final Madhya Pradesh vs Mumbai Final રણજી ટ્રોફી 2022 ફાઈનલ રણજી ટ્રોફી ફાઈનલ મધ્યપ્રદેશ અને મુંબઈ ફાઈનલ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ