બોલીવુડ અભિનેત્રી રાની મુખર્જીએ અલગ-અલગ જોનરની ફિલ્મો કરી તેના અભિનયથી દર્શકોનુ મનોરંજન કર્યુ છે. રાનીએ તેના પ્રશંસનીય કામથી બતાવ્યું છે કે ધૂંધળો દેખાવ અને સારા અવાજના દમ પર પણ બોલીવુડમાં રાજ કરી શકાય છે. રાની એક બહુમુખી પ્રતિભાશાળી અભિનેત્રી છે. પરંતુ તેને નિખારવામાં તેના ટેલેન્ટ સિવાય કરણ જોહરનો પણ મોટો હાથ છે.
બોલીવુડ અભિનેત્રી રાની મુખર્જીએ તેના પ્રશંસનીય કામથી સાબિત કર્યુ
ધૂંધળો દેખાવ અને સારા અવાજના દમ પર પણ બોલીવુડમાં રાજ કરાય
રાનીના ટેલેન્ટને નિખારવામાં કરણ જોહરનો મોટો હાથ
ફિલ્મ ગુલામમાં રાનીના બોલેલા ડાયલોગને ડબ કરાયા હતા
કરણે રાનીની અંદર એવો બુલંદ વિશ્વાસ ઉભો કર્યો કે અભિનેત્રી વર્ષ 2000માં હાઈએસ્ટ પેડ અભિનેત્રી બની ગઇ છે અને લગભગ 7 ફિલ્મફેર એવોર્ડ પોતાના નામે કર્યા છે. રાની મુખર્જી ટૂંક સમયમાં 44 વર્ષની થઇ જશે. 21 માર્ચે અભિનેત્રીનો બર્થડે હોય છે. આજે રાનીના નામનો ડંકો વાગે છે. પરંતુ એક સમય એવો હતો કે જ્યારે તેમનો અવાજ બિલ્કુલ પસંદ કરવામાં આવતો ન હતો. રાનીએ જ્યારે હિન્દી સિનેમામાં ડગ માડ્યા ત્યારે તે સમયે માધુરી દીક્ષિત, શ્રીદેવી, પ્રીતિ જિન્ટા, દિવ્યા ભારતી, કરિશ્મા કપૂર, જુહી ચાવલા જેવી અભિનેત્રીઓની બોલબાલા હતી. આ દરમ્યાન સાંવલી સલોની, હેજલ આઈજવાળી રાનીએ એન્ટ્રી લીધી. રાનીનો લુક તો સિમ્પલ હતો પરંતુ તેની અવાજ પણ એવી હતી કે ફિલ્મ ગુલામમાં રાનીના બોલેલા ડાયલોગને ડબ કરાવવા પડ્યા હતા.
રાની મુખર્જીને ફિલ્મ કુછ કુછ હોતા હેમાં કાસ્ટિંગ દરમ્યાન કરણ જોહરે જ્યારે રાની સાથે વાતચીત કરી તો તેનો અવાજ કઈક અલગ અને ખૂબ અપીલિંગ લાગ્યો. મીડિયા રિપોર્ટસ મુજબ કરણે કહ્યું કે મેં સાંભળ્યું છે કે તમારો અવાજ ગુલામમાં ડબ કરવામાં આવ્યો હતો. પરંતુ તમારા ઓરિજનલ અવાજમાં શું મુશ્કેલી છે, મને તો તમારો અવાજ ખૂબ સારો લાગ્યો. હું મારી ફિલ્મમાં તમારી ઓરિજનલ અવાજ રાખવાનુ પસંદ કરીશ. કહેવાય છે કે કરણની આ વાતોથી રાનીનો આત્મવિશ્વાસ પાછો આવી ગયો. રાની અત્યંત ખુશ પણ થઇ.
રાની મુખર્જીએ મીડિયાને આપેલા એક ઈન્ટરવ્યુમાં જણાવ્યું હતુ કે કરણ જોહરે મને તક આપી અને દર્શકોએ મારા અવાજને પસંદ કર્યો. કુછ કુછ હોતા હે એક બ્લોકબસ્ટર ફિલ્મ હતી. હું ખૂબ ખુશ છુ અને જો હુ આ કહૂ કે મારો અવાજ જ આજના સમયમાં મારી ઓળખ બની ગયો છે તો ખોટું નહીં પડે.