કંગના રનૌત અને તેની બહેન રંગોલી વચ્ચે ખૂબ જ સ્ટ્રોન્ગ બોન્ડિંગ છે. કંગના તરફથી પ્રતિક્રિયા આપવાથી લઈને કંગનાનો બિઝનેસ સંભાળવા સુધી રંગોલી હમેશાં સાથ આપે છે. તમને જણાવી દઈએ કે, રંગોલી કંગનાની મેનેજર પણ છે. ત્યારે રંગોલીએ તેનું નવું ઘર બનાવ્યું છે, જેને કંગનાએ પોતે ડેકોરેટ કર્યો છે.
કંગનાની બહેનને તેના નવા ઘરની હાઉસ વોર્મિંગ પાર્ટી રાખી
હાલમાં જ રંગોલીએ તેના નવા ઘરના ફોટોઝ સોશિયલ મીડિયા પર શેર કર્યાં હતા અને જણાવ્યું હતું કે, તેણે તેના ઘરનું નામ વિલા પેગ્સસ રાખ્યું છે. તો હવે રંગોલીએ તેના નવા ઘરની હાઉસ પાર્ટીનો વીડિયો અને ફોટોઝ શેર કર્યા છે. જેમાં તે ઘરનો અલગ અલગ ભાગ પણ દેખાડી રહી છે.
બહેનની પાર્ટીમાં કંગના પણ પહોંચી છે. રંગોલી આખી ફેમિલી સાથે કેક કાપતા જોવા મળી રહી છે તો બીજી તરફ કંગના રંગોલીના દિકરા પૃથ્વી સાથે મસ્તીભર્યા અંદાજમાં જોવા મળી રહી છે. કંગના પૃથ્વીને મિઠાઈ પણ ખવડાવે છે.
પાર્ટીના વીડિયોમાં તેમની માતા પણ જોવા મળી રહ્યાં છે. રંગોલીએ તેના ઘરના નામનું મતલબ બતાવતા કહ્યું કે આ એક ગ્રીક શબ્દ છે. જેનો મતલબ ઈમોર્ટલ વિંગ્ડ હાઉસ થાય છે. આ મુંબઈની એ બિલ્ડિંગના નામથી પ્રભાવિત છે જ્યાં મૈં અને અજય અમારા લગ્ન જીવનની શરૂઆત કરી હતી. આ એક ઘર જ નહીં પરંતુ આશીર્વાદ છે.