ગુજરાતભરમાં ટોલટેક્સને લઇને ટોલ પ્લાઝા કર્મચારી અને વાહન ચાલકો વચ્ચે અવારનવાર માથાકૂટ થતી રહે છે. માત્ર 40 રૂપિયાનો ટોલ બચાવવા વાહન ચાલકો લુખ્ખી દાદાગીરી કરતા હોય છે. ત્યારે આવો જ એક કિસ્સો ગોંડલના ભરૂડી ટોલ પ્લાઝા પર બની છે કે જ્યાં માત્ર 40 રૂપિયાના ટોલ માટે વાહન ચાલકે ટોલ પ્લાઝા કર્મચારીને રિવોલ્વર કાઢી મારી નાખવાની ધમકી આપી.
ભરૂડી ટોલ પ્લાઝા પર માટે રિવોલ્વર કાઢી
40 રૂપિયાના ટોલ માટે રિવોલ્વરથી મારી નાખવાની ધમકી
ગાડી માલિકને પકડવા માટે ગોંડલ પોલીસે કામગીરી હાથ ધરી
રાજકોટ-પોરબંદર નેશનલ હાઇવે પર ભરૂડી ટોલ પ્લાઝા પરથી રેન્જ રોવર ગાડી પસાર થઇ રહી હતી ત્યારે કર્મચારીઓએ ગાડીને રોકી હતી. જેથી કાર ચાલકનો ગુસ્સો સાતમાં આસમાને પહોંચી ગયો અને રિવોલ્વર કાઢી જાનથી મારી નાખવાની ધમકી આપી. સમગ્ર દાદાગીરીની ઘટના સીસીટીવીમાં કેદ થઇ છે. હાલ પોલીસે સીસીટીવીને આધારે તપાસ શરૂ કરી છે.
રાજકોટ પોરબંદર નેશનલ હાઇવે પર ભરૂડી ટોલ પ્લાઝા પરથી રેન્જ રોવર ગાડી પસાર થઇ રહી હતી ત્યારે કર્મચારીઓએ ગાડીને રોકી હતી. ત્યારે 40 રૂપિયાના ટોલ માટે વાહન ચાલકે રિવોલ્વર કાઢી જાનથી મારી નાખવાની ધમકી આપી. સમગ્ર દાદાગીરીની ઘટના સીસીટીવીમાં કેદ થઇ છે. pic.twitter.com/sPt37ecSFD
ગોંડલના ભરૂડી ટોલ પ્લાઝા ઉપર હદ થઇ ગઈ માત્ર 40 રૂપિયાના ટોલ માટે વાહન ચાલકે ટોલ પ્લાઝા કર્મચારી ઉપર રિવોલ્વર કાઢીને મારી નાખવાની ધમકી આપી હતી. આ ઘટનાની વિગત મુજબ રાજકોટ પોરબંદર નેશનલ હાઇવે NH-27 ઉપર ભરૂડી ટોલ પ્લાઝા ઉપર સવારે લેન નંબર 0 પરથી રેન્જ રોવર ગાડી પસાર થઇ રહી હતી. ત્યારે રેન્જ રોવર ગાડીના ચાલકે માત્ર 40 રૂપિયાનો ટોલ દેવાની ના કહી હતી.
ત્યારે ટોલ પ્લાઝાના કર્મચારીઓએ ટોલ આપવા માટે વિનંતી કરી હતી. આમ છતાં રેન્જ રોવર ગાડી ટોલ પ્લાઝાના બેરીયર તોડીને નાસી છૂટવાનો પ્રયત્ન કરતા ટોલ પ્લાઝા ઉપર ગાડીમાં બેસેલ એક વ્યક્તિ ટોલ પ્લાઝાનું બેરીયર હટાવી રહ્યો હતો તેની સાથે ગાડી અથડાઈ હતી. ટોલ ગાડીમાં બેસેલ વ્યક્તિ ઈજાગ્રસ્ત થયો હતો. આમ છતાં ગાડી મલિક ન સમજતા અને ટોલ ન દેવાની જીદ્દ પકડી હતી. જીદ્દ પકડીને રેન્જ રોવર ગાડીના માલિકે ગાડીમાંથી રિવોલ્વર કે પિસ્તોલ કાઢીને ટોલ કર્મચારી ઉપર ગુસ્સે થઇને ટોલ કર્મચારીને મારી નાખવાની ધમકી આપીને નાસી છૂટ્યો હતો.
ટોલ પ્લાઝાના કર્મચારીની સુરક્ષાને લઇને ગોંડલ પોલીસમાં ફરિયાદ નોંધાય છે. જેને લઇને ગોંડલ પોલીસે રેન્જ રોવરના માલિકને પકડવા કવાયત હાથ ધરી છે. સાથે કોઈ પણ જગ્યાએ થોડી અમસ્તી માથાકૂટમાં પિસ્તોલ કે રિવોલ્વર કાઢતા લોકોને લાઇસન્સ કેમ આપવામાં આવે છે તે પણ પ્રશ્ન થાય છે.