20 એપ્રિલે કરીના કપૂર અને કરિશ્મા કપૂરની માતા અને રણધીર કપૂરની પત્ની બબીતા કપૂરનો જન્મદિવસ હતો. આ અવસર પર તેમના માટે સ્પેશિયલ પાર્ટીનું આયોજન કરવામમાં આવ્યું હતું.
20 એપ્રિલે બબીતા કપૂરે સેલિબ્રેટ કર્યો બર્થડે
પતિ રણધીર કપૂર સ્વાસ્થ્ય સારું ન હોવા છતાં પાર્ટીમાં પહોંચ્યા
કરીના અને કરિશ્માએ બર્થડેના ફોટોઝ કર્યા શેર
મોમના બર્થડે પર કરીના અને કરિશ્માએ સોશિયલ મીડિયા પર તસવીરો પોસ્ટ કરીને પોતાની માતાને બર્થડેની શુભેચ્છા પાઠવી હતી. મા બબીતાના બર્થડે નિમિત્તે કરીના પોતાના ઘરે મોમ બબીતા માટે સ્પેશિયલ પાર્ટીનું આયોજન કર્યું હતું. જેમાં કરિશ્મા તેના દિકરા કિયાન રાજ કપૂર સાથે સામે થઈ હતી.
સોહા અલી ખાન પણ બબીતા કપૂરના જન્મદિવસ નિમિત્તે ભાઈ સૈફ અલી ખાનના ઘરે પહોંચી હતી. તેની સાથે તેમની દીકરી ઇનાયા અને પતિ કૃણાલ ખેમુ પણ હતા. આ સિવાય કરીનાના પિતા રણધીર કપૂર પણ તેના ઘરે જતા જોવા મળ્યા હતા. આ દરમિયાન રણધીર કપૂર લાકડી અને તેમના વર્કર્સની મદદ સાથે ચાલતા જોવા મળ્યા હતા.
રણધીર કપૂરનો એક વીડિયો પણ સામે આવ્યો છે. જે જોયા પછી અભિનેતાના ચાહકો થોડાં પરેશાન થઈ ગયા છે. રણધીર કપૂરનો આ વીડિયો સેલિબ્રિટી ફોટોગ્રાફર વિરલ ભાયાણીએ શેર કર્યો છે. જેમાં તે ખૂબ જ મુશ્કેલીથી ચાલતા જોવા મળી શકે છે. અભિનેતાની આ સ્થિતિ જોયા બાદ તેમના ચાહકો તેમના હાલ ચાલ પૂછી રહ્યાં છે.
આ સાથે જ કોરોના વાયરસ દરમિયાન કરીનાના ઘરે પાર્ટીનું આયોજન જોઈને એક્ટ્રેસ ટ્રોલર્સના નિશાને આવી ગઈ અને એક યુઝરે વીડિયો પર કમેન્ટ કરતા લખ્યું- મુંબઈમાં કર્ફ્યુ ચાલી રહ્યું છે અને આ લોકો પાર્ટી કરવામાં વ્યસ્ત છે. જ્યારે અન્ય યુઝરે લખ્યું- હજી પણ પાર્ટી ચાલી રહી છે. મુંબઈમાં કર્ફ્યુ છે અને રણધીર કપૂર પણ ઠીક દેખાઈ રહ્યાં નથી, એવામાં તેમણે ઘરે જ રહેવું જોઈએ.