રાંચીના માંડર વિધાનસભા પેટાચૂંટણીના પરિણામ સામે આવી ગયા છે. માંડર વિધાનસભા સીટ પર કોંગ્રેસના ઉમેદવાર શિલ્પી નેહા તિર્કીએ પોતાનો કબ્જો જમાવ્યો છે.
ઝારખંડની એક સીટ પર પેટાચૂંટણી યોજાઈ હતી
માંડર વિધાનસભામાં કોંગ્રેસની શાનદાર જીત
સૌથી નાની ઉંમરના આ મહિલા બન્યા ધારાસભ્ય
રાંચીના માંડર વિધાનસભા પેટાચૂંટણીના પરિણામ સામે આવી ગયા છે. માંડર વિધાનસભા સીટ પર કોંગ્રેસના ઉમેદવાર શિલ્પી નેહા તિર્કીએ પોતાનો કબ્જો જમાવ્યો છે. ચૂંટણી પરિણામ અનુસાર શિલ્પી નેહા તિર્કી લગભગ 23 હજાર વોટથી પોતાના હરીફ ભાજપના ગંગોત્રી કુઝૂરને હરાવીને માંડર વિધાનસભા સીટ પર જીત મેળવી છે.
માંડર પેટાચૂંટણીમાં કોંગ્રેસના શિલ્પી નેહા તિર્કીએ મોટા અંતરથી જીત મેળવી છે. શિલ્પીની આ જીત મહાગઠબંધનની જીતનો ચોગ્ગો છે. આ અગાઉ પેટાચૂંટણીમાં જીત મેળવી ચુક્યા હતા. એટલુ જ નહીં શિલ્પીની જીતથી વિધાનસભામાં કોંગ્રેસના મહિલા ધારાસભ્યોની સંખ્યા 5 થઈ ગઈ છે. એટલે કે, કોંગ્રેસે ચૂંટણી ચિન્હના અનુરુપ પંચો, આ જીત સાથે ઝારખંડ વિધાનસભામાં સૌથી નાની ઉંમરના ધારાસભ્ય બની ગયા છે.
આપને જણાવી દઈએ કે, માંડર વિધાનસભાના પૂર્વ ધારાસભ્ય બંધૂ તિર્કીનું સભ્યપદ સમાપ્ત થયા બાદ 23 જૂને માંડર સીટ પર મતદાન થયું હતું.માંડરના મેદાનમાં આમ તો, 14 ઉમેદવારે પોતાનું નસીબ અજમાવ્યું હતું. પણ મુખ્ય ટક્કર તો કોંગ્રેસના શિલ્પી નેહા અને ભાજપના ગંગોત્રી કુઝૂર તથા અપક્ષ ઉમેદવાર દેવ કુમાર ધાનની વચ્ચે થવાનું મનાતુ હતું.
આ સીટ માટે 23 જૂને મતદાન થયું હતું કે, તેમાં 2 લાખ 17 હજાર મતદારોએ પોતાના મતાધિકારનો ઉપયોગ કર્યો હતો. આજે રાંચિના પંડરા બજારમાં વોટની ગણતરી કરવામાં આવી હતી. પ્રાપ્ત વિગતો અનુસાર જોઈએ તો, કાઉંટિંગ ટેબલ પર 21 રાઉન્ડની ગણતરી બાદ ચૂંટણી પરિણામ જાહેર કર્યા છે.