ઝારખંડ / રાજ્યપાલને મળીને હેમંત સોરેને રજૂ કર્યો સરકાર બનાવવાનો દાવો, આ દિવસે લેશે શપથ

હેંમત સોરેનની સાથે બન્ના ગુપ્તા, હાજી હુસૈન અંસારી, સ્ટીફન મરાંડી, જોબા માંઝી સહિત અન્ય પાર્ટીના ઘણા ધારાસભ્યો પણ રાજભવન પહોંચ્યા હતા. 

રાજભવનથી બહાર નીકળીને હેમંત સોરેને મીડિયા સાથે વાત કરતા જણાવ્યું કે, તેઓ 29 ડિસેમ્બરે શપથ લેશે. શપથ ગ્રહણ બપોરે એક વાગ્ય મોરહાબાદી મેદાનમાં થશે. પ્રાપ્ત જાણકારી મુજબ, હેમંત સોરેને 50 ધારાસભ્યોનું સમર્થન હોવાનો દાવો રજૂ કર્યો છે.

નોંધનીય છે કે, ઝારખંડ વિધાનસભા ચૂંટણીના પરિણામો સોમવારે આવ્યા હતા. તેમા ઝારખંડ મુક્તિ મોરચાની આગેવાની વાળા ગઠબંધનને સ્પષ્ટ જનાદેશ મળ્યો. ગઠબંધને 47 બેઠકો પર જીત મેળવી. તેમા JMMના ખાતામાં 30, કોંગ્રેસને 16 અને આરજેડીને એક બેઠક પર વિજય મળ્યો હતો. બીજી તરફ એકલા ચૂંટણી લડનાર બીજેપી 25 બેઠકો પર સમેટાઇ ગઇ હતી. જ્યારે જેવીએમને 3 અને આજસૂના ખાતામાં 2 બેઠક મળી. આ ઉપરાંત સીપીઆઇએમએલ અને એનસીપીના ખાતામાં એક-એક બેઠક ગઇ હતી. 

બાબૂલાલ મરાંડી આપ્યું વિના શરતે સમર્થન

આ પહેલા જેએમએમ ધારાસભ્ય દળના નેતા ચૂંટયા બાદ હેમંત સોરેને પૂર્વ સીએમ અને જેવીએમ સુપ્રીમો બાબૂલાલ મરાંડીને મળવા તેમના આવાસે પહોંચ્યા હતા અને તેમના આશીર્વાદ લીધા હતા. હેમંત સોરેનેને જીતની શુભેચ્છા આપતા બાબૂલાલ મરાંડીએ વિના શરતે સમર્થન આપવાનું એલાન કર્યું હતું.