વિવાદોમાં ફસાયેલી કરણ જોહરની ફિલ્મ પર કોર્ટે ચુકાદો આપતા રીલીઝ પર પ્રતિબંધ લગાવવાનો ઈનકાર કર્યો છે.
વિવાદોમાં ફસાયી હતી જુગ જુગ જિયો
કોર્ટે આજે આપ્યો ચુકાદો
પ્રતિબંધ લગાવવાનો કોર્ટનો ઈનકાર
કરણ જોહરની ફિલ્મ જુગ જુગ જિયો પર ચાલી રહેલા કોપીરાઈટ કેસમાં ગુરુવારે કોર્ટમાં સુનાવણી હાથ ધરવામાં આવી હતી. રાંચીની કોમર્શિયલ કોર્ટે ફિલ્મની રિલીઝ પર સ્ટે મૂકવાની અરજીને ફગાવી દીધી છે. હવે 24 જૂને કરણ જોહરની ફિલ્મ રિલીઝ થશે.
અરજદાર અને લેખક વિશાલ સિંહે ફિલ્મની વાર્તાને લઈને ચોરીનો આરોપ લગાવ્યો હતો અને કોર્ટમાં કેસ દાખલ કરવામાં આવ્યો હતો. તેણે કોર્ટને ફિલ્મની રિલીઝ પર રોક લગાવવા પણ વિનંતી કરી હતી.
જુગ જુગ જિયો છે ચર્ચામાં
આ દિવસોમાં ફિલ્મ 'જુગ જુગ જિયો'ને લઈને જોરદાર ચર્ચાઓ ચાલી રહી છે. આ ફિલ્મ આ શુક્રવારે એટલે કે 24 જૂને રીલિઝ થઈ રહી છે. જ્યારે આ ફિલ્મનું ટ્રેલર રિલીઝ થયું ત્યારથી આ ફિલ્મ વિવાદોમાં ફસાઈ ગઈ છે.
આ ફિલ્મ સામે કોપીરાઈટનો આરોપ લાગ્યો હતો અને આ મામલે કેસ ચાલી રહ્યો હતો. અરજદારે ફિલ્મની રિલીઝ પર સ્ટે માંગ્યો હતો, જેના પર કોર્ટની સુનાવણી પૂર્ણ થઈ ગઈ છે, એટલે કે કોર્ટે ફિલ્મના ભાવિ પર નિર્ણય કર્યો છે. રાંચીની કોમર્શિયલ કોર્ટે ફિલ્મની રિલીઝ પર સ્ટે મૂકવાની અરજીને ફગાવી દીધી છે. હવે 24 જૂને કરણ જોહરની ફિલ્મ રિલીઝ થશે.
શું છે સમગ્ર મામલો?
ધર્મા પ્રોડક્શન પ્રાઈવેટ લિમિટેડના બેનર હેઠળ બનેલી ફિલ્મ 'જુગ જુગ જિયો'ની રિલીઝ પર રોક લગાવવાની માંગ કરતી અરજી પર બુધવારે કોમર્શિયલ કોર્ટમાં સુનાવણી હાથ ધરવામાં આવી હતી. સુનાવણી દરમિયાન કોર્ટે બંને પક્ષોને સાંભળ્યા બાદ આજે એટલે કે ગુરૂવાર સુધી પોતાનો ચુકાદો અનામત રાખ્યો હતો.
તમને જણાવી દઈએ કે આ આખો મામલો ફિલ્મની વાર્તાનો છે. નિર્માતાઓ પર તેમની સંમતિ લીધા વિના બન્ની રાની નામની વાર્તાની નકલ કરવાનો અને જુગ જુગ જિયો નામની ફિલ્મ બનાવવાનો આરોપ છે.