ઝારખંડ હત્યાકાંડ / જેમ હું મરી રહી છું, એવા જ મોત શાહરુખને પણ આપજો: ઝારખંડની પીડિતાનું અંતિમ નિવેદન જાણી ધ્રુજી ઉઠશો

• ઝારખંડમાં મુસ્લિમ યુવકે હિન્દુ યુવતીને સળગાવી દીધી
• ફ્રેન્ડશીપ કરવાની જીદે ચડેલા યુવકે હેવાનિયત ગુજારી
• હિન્દુ દિકરીનો વીડિયો સામે આવ્યો, જેમા તેણે પોતાની વેદના ઠાલવી હતી

ઝારખંડ સહિત સમગ્ર દેશમાં દુમકાની દિકરી અંકિતાના મોત પર હોબાળો મચેલો છે. દેશભરમાંથી લોકો અંકિતાના મોતથી ગુસ્સે ભરાયેલા છે. તમામ એક સ્વરમાં હત્યારાને ફાંસીની સજાની માગ કરી રહ્યા છે. આ તમામની વચ્ચે મોતથી ઠીક પહેલા 12માં ધોરણમાં ભણતી અંકિતાનો વીડિયો સામે આવ્યો છે. જેમાં તે આ ઘટનાની આપવીતી જણાવી રહી છે. વીડિયોમાં અંકિતા કહી રહી છે કે, આરોપી શાહરુખ સવારે પાંચ વાગ્યે મને ઼મારવા માટે પેટ્રોલ કેન લઈને મારા ઘરમાં આવ્યો હતો.

વીડિયોમાં અંકિતા કહેતી દેખાય છે કે, સોમવારે રાતે અમે પપ્પાને શાહરુખ વિશે બતાવ્યું હતું. પાપાએ કહ્યું કે, સવારે જોઈ લઈશું. પણ સવારે બારીમાંથી તેણે મારા પર પેટ્રોલ નાખીને હુમલો કરી આગ લગાવી દીધી. શાહરુખ સાથે તેનો મિત્ર છોટુ ખાન પણ હતો. અમે બારીમાંથી તેમને ભાગતા જોયા હતા. અંકિતા જણાવે છે કે, હું એ જોઈ શકી કે, તેણે બ્લૂ ટીશર્ટ પહેર્યું હતું અને હાથમાં પેટ્રોલ કેન લઈને શાહરુખ ભાગી રહ્યો હતો. આ એજ શાહરુખ છે, જે છેલ્લા 10-15 દિવસથી મને હેરાન કરી રહ્યો હતો. ફળિયામાં તેને લફંગા યુવક તરીકે બધાં ઓળખાવે છે. તેનું કામ ફક્ત છોકરીઓને હેરાન કરવાનું અને તેને ફસાવીને ફરવાનું હતું.

Jharkhand | ADG ML Meena met the family members of the deceased girl in Dumka at her residence pic.twitter.com/RbK5eXwysr

— ANI (@ANI) August 29, 2022

છેલ્લા 10-15 દિવસથી તે મારો પીછો કરી રહ્યો હતો, જ્યારે હું સ્કૂલ અથવા ટ્યૂશન માટે જાવ તો, તે મારો પીછો કરતો. જો કે, મેં ક્યારેય તેને હરકતને સીરિયસલી લીધી નથી. પણ તેણે ક્યાંકથી મારો મોબાઈલ નંબર શોધી લીધો, ત્યાર બાદ તે મને કાયમ ફોન કરીને ફ્રેન્ડશીપ કરવાનું પ્રેશર આપતો.અંકિતાના જણાવ્યા અનુસાર, શાહરુખે ધમકી આપી હતી કે, જો હું તેની વાત નહીં માનું તો, તે મને અને મારા પરિવારને મારી નાખશે. મને તેની આવી હરકતનો અંદાજો તો હતો, પણ એવી નહોતી ખબર કે આટલે સુધી પહોંચી જશે.

Jharkhand CM Hemant Soren expressed grief over the death of a class 12th girl in Dumka. CM has ordered the Dumka administration to provide an assistance of Rs 10 lakhs to the kin of the deceased & directed the proceedings to be done from the fast track court: CMO

(File photo) https://t.co/Fu6bDvpxMd pic.twitter.com/q0ijnzk74m

— ANI (@ANI) August 29, 2022

22 ઓગસ્ટની રાતે તેમણે મને ધમકી આપી હતી, કે જો હું તેની વાત નહીં માનુ તો, તે મને મારી નાખશે., મેં પાપાને આ વાત બતાવી, તેમણે મને સવારે જોઈ લઈશું તેવું કહ્યું. કોઈ સમસ્યાનું હલ નિકળે તે પહેલા 23 ઓગસ્ટની સવારે શાહરુખે પેટ્રોલ છાંટીને મને સળગાવી દીધી. ધોરણ 12માં ભણતી અંકિતાની લાશને દાદા અનિલ સિંહે મુખાગ્નિ આપી હતી. અંકિતાની અંતિમ યાત્રામાં દુમકાના ભાજપ સાંસદ સુનીલ સોરેન, ઉપ વિકાસ અધિકારી કર્ણ સત્યાર્થી, ડીએસપી વિજયકુમાર સહિત કેટલાય પ્રશાસનિક અધિકારીઓ અને હિન્દુ સમર્થિત અલગ અલગ સંગઠનોના કાર્યકર્તાઓ અને સામાન્ય લોકો જોડાયા હતા.