બોલિવૂડ / રણબીર કપૂરની 'રામાયણ'નું પોસ્ટર આઉટ, બે પાર્ટમાં રિલીઝ થશે ફિલ્મ, મેકર્સે જણાવી કન્ફર્મ ડેટ

રણબીર કપૂર છેલ્લા ઘણા સમયથી તેની આગામી ફિલ્મ 'રામાયણ'ને લઇ ચર્ચામાં રહે છે. જેમાં તે શ્રી રામનો રોલ ભજવશે. તો સીતાનો રોલ સાઈ પલ્લવી કરશે. એવામાં આજે  'રામાયણ'નું પહેલું પોસ્ટર પણ રિલીઝ કરી દેવામાં આવ્યું છે અને સાથે રિલીઝ ડેટ પણ જાહેર કરવામાં આવી છે.

પ્રાઇમ ફોકસ સ્ટુડિયોના ફાઉન્ડર  નમિત મલ્હોત્રાએ 'રામાયણ' ફિલ્મની પોસ્ટરની ઝલક બતાવી છે. તેમને પોતાની ઈન્સ્ટાગ્રામ ID પર ફિલ્મનું પોસ્ટર શેર કર્યું છે, જેના પર રિલીઝ ડેટ પણ લખેલી છે. સાથે એ પણ મેસેજ આપવામાં આવ્યો છે કે, આ ફિલ્મ બે ભાગમાં રિલીઝ થશે.

View this post on Instagram

A post shared by Namit Malhotra (@iamnamitmalhotra)

• ક્યારે થશે ફિલ્મ રિલીઝ ?
  રામાયણની પહેલી ફિલ્મ 2026ની દિવાળીના રોજ રિલીઝ થશે. તો બીજી ફિલ્મ વર્ષ 2027ની દિવાળી પર રિલીઝ થશે.આ પોસ્ટરમાં રણબીર કપૂર અને સાઈ પલ્લવીનો લુક શેર નથી કરાયો. આ પોસ્ટર શેર કરતી વખતે, નમિત મલ્હોત્રાએ કેપ્શનમાં લખ્યું, 'એક દાયકા કરતા પણ વધુ સમય પહેલા મેં આ મહાન મહાકાવ્યને મોટા પડદા પર લાવવાની યાત્રા શરૂ કરી હતી, જેને છેલ્લા 5000 વર્ષથી કરોડો દિલો પર રાજ કર્યું છે. આજે હું ખૂબ જ ખુશ છું કે તે સપનું સાકાર થઈ રહ્યું છે."

• "અમે દિવસ-રાત મહેનત કરી રહ્યા છીએ"

તેમને આગળ લખ્યું, 'અમારી ટીમ દિવસ-રાત મહેનત કરી રહી છે. બધાનો માત્ર એક જ ઉદ્દેશ્ય છે કે આપણો ઈતિહાસ, આપણું સત્ય અને આપણી સંસ્કૃતિ, આપણી રામાયણને વિશ્વભરના લોકો સમક્ષ સૌથી પ્રામાણિક, પવિત્ર અને ખૂબસૂરત સ્વરૂપમાં રજૂ કરવાની છે."

વધુ વાંચો :અજય દેવગનની 'આઝાદ'નું દમદાર ટીઝર રિલીઝ, રવીના ટંડનની દીકરીનું ફિલ્મમાં ધમાકેદાર ડેબ્યૂ

• ફિલ્મની સ્ટાર કાસ્ટ
  આ ફિલ્મમાં રણબીર કપૂર અને સાઈ સિવાય સાઉથના સુપરસ્ટાર યશ પણ રોલ ભજવશે. આ ફિલ્મમાં યશ રાવણની ભૂમિકા ભજવશે. લારા દત્તા કૈકેયીનું પાત્ર કરશે. સની દેઓલ હનુમાનનું પાત્ર ભજવશે. અરુણ ગોવિલ દશરથનું જ્યારે શીબા ચઢ્ઢા મંથરાનો રોલ કરશે. આ ફિલ્મનું નિર્દેશન નિતેશ તિવારી કરી રહ્યા છે, જેમને આમિર ખાન સાથે બ્લોકબસ્ટર મૂવી 'દંગલ' બનાવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ