બોલિવૂડ એક્ટર રણબીર કપૂરના કાશ્મીરી હમશક્લ જુનેદ શાહનું કાર્ડિએક અરેસ્ટથી નિધન થઈ ગયું છે. તે માત્ર 28 વર્ષનો હતો. તેનું તેના ઘરે શ્રીનગરમાં જ મોત થયું હોવાના સમાચાર મળ્યા છે. કાશ્મીરી જર્નાલિસ્ટ જમીલે આ દુઃખદ ઘટનાને લઈને ટ્વિટ કર્યું છે. તેમણે લખ્યું-જુનેદ અમારો પાડોશી હતો. જુનેદ મોડલિંગ કરી રહ્યો હતો અને રણબીરનો હમશક્લ હોવાથી ઘણો જ ફેમસ હતો.
Our old neighbor Nissar Ahmed Shah's son Junaid passed away due to massive cardiac arrest overnight. People say he was a lookalike of Bollywood actor Ranbir Kapoor.I say he was a big hope, strength & salvation of his ailing father and his mother & that of whole Kashmir. Magfirah! pic.twitter.com/uVVH3UGtnJ
યૂસુફ જમીલે ટ્વિટ કરી લખ્યું- અમારા જૂના પાડોસી નિસાર અહમદ શાહના દિકરા જુનેદને રાતે કાર્ડિએક અરેસ્ટ આવવવાથી નિધન થયું છે. તે તેના બીમાર પિતા, માતા અને સમગ્ર કાશ્મીર માટે આશા અને પ્રેરણારૂપ હતો. જુનેદનો ચહેરો, કદકાઠી અને વાળ એકદમ રણબીર જેવા હતા. તે કપડાં પણ રણબીર જેવા જ પહેરતો હતો. જુનેદ જ્યારે બજાર જતો ત્યારે યુવતીઓ તેને ગળે મળતી હતી અને તેની સાથે ફોટો પણ ક્લિક કરાવતી હતી. કાશ્મીરની યુનિવર્સિટીમાંથી MBA કરનારો જુનેદ ઘણાં સમયથી મોડલિંગ કરતો હતો.
જુનેદ અને તેના પેરેન્ટ્સ એક મહિના પહેલાં જ મુંબઈથી પરત આવ્યા હતા. તે ત્યારે મોડલિંગ કરી રહ્યો હતો અને એવું કહેવાઈ રહ્યું છે કે, તેણે અનુપમ ખેરના એક્ટિંગ સ્કૂલમાં એડમિશન પણ લીધું હતું. તેને હાર્ટને લઈને પહેલાં કોઈ સમસ્યા નહોતી.