સુપરસ્ટાર રણબીર કપૂરની અપકમિંગ ફિલ્મ એનિમલનો ફર્સ્ટ લુક પોસ્ટર રીલીઝ થયુ છે. ન્યુ યર KR અડધી રાત્રિએ 'એનિમલ'ના આ લેટેસ્ટ પોસ્ટરને શેર કર્યુ છે.
રણબીરની અપકમિંગ ફિલ્મ એનિમલનુ ફર્સ્ટ લુક પોસ્ટર રીલીઝ
પોસ્ટરમાં રણબીર કપૂરનો ખુંખાર અંદાજ સામે આવ્યો
ફિલ્મ સમીક્ષક તરણ આદર્શે ઈન્સ્ટાગ્રામ પર કર્યુ શેર
અપકમિંગ ફિલ્મ 'એનિમલ'નો ફર્સ્ટ લુક પોસ્ટર રીલીઝ
એનિમલના આ ફર્સ્ટ લુક પોસ્ટરની રીલીઝ ડેટની જાહેરાત 30 ડિસેમ્બરે કરી દેવામાં આવી હતી. એવામાં નવા વર્ષની અડધી રાત્રે એનિમલના ફર્સ્ટ લુક પોસ્ટર પ્રશંસકોની આતુરતા વધારવા માટે આવી ગયુ છે. એનિમલના આ પોસ્ટરમાં રણબીર કપૂર ખૂબ ખુંખાર અંદાજમાં જોવા મળી રહ્યો છે.
સામે આવ્યું 'એનિમલ'નુ ફર્સ્ટ લુક પોસ્ટર
નવા વર્ષની મધ્ય રાત્રિએ આશરે 12 વાગ્યે ફિલ્મ સમીક્ષક તરણ આદર્શ તરફથી સત્તાવાર ઈન્સ્ટાગ્રામ પર એનિમલના ફર્સ્ટ લુક પોસ્ટરને શેર કરવામાં આવ્યું છે. આ પોસ્ટરમાં તમે જોઇ શકો છો કે સુપરસ્ટાર એક નવા અંદાજમાં જોવા મળી રહ્યાં છે. હાથમાં કુહાડી, મોંઢામાં સિગરેટ અને લોહીમાં લથપથ રણબીર કપૂર ખૂબ ખતરનાક દેખાઈ રહ્યાં છે. એનિમલના આ ફર્સ્ટ લુક પોસ્ટર પરથી સ્પષ્ટપણે અંદાજ લગાવી શકાય છે કે ફિલ્મ શમશેરાની જેમ આ વખતે પણ દર્શકોને રણબીરનો એક્શન અવતાર દેખાશે. એનિમલના આ પોસ્ટરે પ્રશંસકોની આતુરતાને ડબલ કરી દીધી છે. સોશિયલ મીડિયામાં એનિમલના આ લેટેસ્ટ પોસ્ટરને વધુ પસંદ કરાઈ રહ્યું છે.
એનિમલનુ ફર્સ્ટ લુક પોસ્ટર સામે આવ્યાં બાદ આ ફિલ્મની રીલીઝ માટે પ્રશંસકો આતુરતાપૂર્વક રાહ જોઈ રહ્યાં છે. ઉલ્લેખનીય છે કે આ વર્ષે 11 ઓગષ્ટ 2023ના રોજ રણબીર કપૂરની એનિમલ થિયેટરોમાં આવશે.