ફિલ્મી ગપશપ / સની દેઓલ અને અક્ષય કુમારથી ડરી ગયો રણબીર કપૂર? ફિલ્મ Animalની રિલીઝ ડેટ થઈ પોસ્ટપોન

• રણબીર કપૂરની ફિલ્મની રિલીઝ ડેટ આગળ વધારી દેવામાં આવી
• પહેલા ફિલ્મ 'એનિમલ' 11 ઓગસ્ટે રિલીઝ થવાની હતી
• ડિસેમ્બરમાં રિલીઝ થશે ફિલ્મ એનિમલ 

રણબીર કપૂરની ફિલ્મ 'એનિમલ' 11 ઓગસ્ટે રિલીઝ થવાની હતી. આ ફિલ્મ સની દેઓલની 'ગદર 2' અને અક્ષય કુમારની 'OMG 2' સાથે ટકરાવાની હતી, પરંતુ બોક્સ ઓફિસની ટક્કર પહેલા સંદીપ વાંગા રેડ્ડીની 'એનિમલ'ને ડિસેમ્બર 2023 સુધી લંબાવી દેવામાં આવી છે. એટલે કે આ ફિલ્મની રિલીઝ ડેટ આગળ વધારી દેવામાં આવી છે. 

ડિસેમ્બરમાં રિલીઝ થશે ફિલ્મ એનિમલ 
એનિમલ આ વર્ષની સૌથી વધુ રાહ જોવાતી ભારતીય ફિલ્મોમાંની એક છે. આ ફિલ્મમાં રણબીર કપૂર દમદાર અવતારમાં જોવા મળશે. રણબીરનો આવો લુક તમે પહેલા ક્યારેય નહિ જોયો હોય. ફિલ્મનું પ્રી-ટીઝર થોડા સમય પહેલા રિલીઝ કરવામાં આવ્યું હતું, જેમાં રણબીર કપૂર ડઝનેક ગોલ્ડન માસ્ક પહેરેલા પુરુષો સાથે લડતો જોવા મળ્યો હતો. પહેલા ફિલ્મ 11 ઓગસ્ટે રિલિખ થવાની હતી પણ હવે તેની રિલીઝ ડેટ આગળ વધારી દીધી છે. એનિમલની રિલીઝ ડેટ હજુ આવી નથી પણ ટએ ડિસેમ્બરમાં રિલીઝ થઈ શકે છે.

#Xclusiv… ‘ANIMAL’ NOT ARRIVING ON INDEPENDENCE DAY WEEKEND… #Animal - starring #RanbirKapoor and directed by #SandeepReddyVanga - *won’t* release on 11 Aug 2023… Yes, the film has been postponed… A new release date will be announced in the coming days. #BhushanKumar pic.twitter.com/H55HDfvWxr

— taran adarsh (@taran_adarsh) July 1, 2023

આ કારણે મુલતવી રાખવામાં આવી છે
માહિતી અનુસાર આ ફિલ્મોને મુલતવી રાખવાનું કારણ 'ગદર-2' અને અક્ષય કુમારની 'OMG 2' નથી પરંતુ VFX વિભાગ દ્વારા હજુ સુધી કામ કરવાનું બાકી છે, તેથી તેને મોકૂફ રાખવામાં આવી રહી છે. આ ફિલ્મના નિર્માતા આ ફિલ્મના VFX સાથે કોઈ બાંધછોડ કરવા માંગતા નથી. ભલે આ માટે ફિલ્મને મોડી કરવી પડે. આ ફિલ્મમાં રણબીર કપૂર ઉપરાંત બોબી દેઓલ અને રશ્મિકા મંદન્ના પણ જોવા મળશે. આ ફિલ્મમાં અનિલ કપૂર પણ જોવા મળવાનો છે.

આ ફિલ્મો રિલીઝ થશે
'ટાઈગર 3' રણબીર કપૂરની ફિલ્મ 'એનિમલ'ના થોડા અઠવાડિયા પહેલા રિલીઝ થવા જઈ રહી છે. ફેન્સ 'ટાઈગર 3'ની આતુરતાથી રાહ જોઈ રહ્યા છે. આ ફિલ્મમાં સલમાન ખાન અને કેટરીના કૈફ જોવા મળશે. આ સાથે કિંગ ખાન એટલે કે શાહરૂખ ખાન પણ આમાં કેમિયો કરવાના છે. તે જ સમય, 'એનિમલ' પછી શાહરૂખ ખાનની 'ડંકી' રિલીઝ થશે.