વર્ષ 2006 અને 2011માં સપરહિટ રહ્યું હતું શાહરૂખ ખાનનું ડૉનનું કિરદાર પરંતુ હવે એને બદલી શકાય છે. આ પિલ્મનું નિર્દેશન ફરહાન અખ્તરે કર્યું હતું અને શાહરૂખની આ ફિલ્મએ સારો વેપાર પણ કર્યો.
શાહરૂખ ખાન, પ્રિયંકા ચોપડા, કરીના કપૂર, બોમન ઇરાની જેવા કલાકારોના અભિનયથી બનેલી આ ફિલ્મે 100 કરોડથી વધારેનો બિઝનેસ કર્યો હતો.
શાહરૂખની આ ફિલ્મની સિક્વલ પણ બની અને 2011માં આ ફિલ્મથી શાહરૂખે 200 કરોડ ક્લબમાં એન્ટ્રી પણ લઇ લીધી, પરંતુ હવે આ ફિલ્મના ત્રીજા ભાગમાં શાહરૂખ ખાન બહાર થઇ જશે એવી વાત સામે આવી છે.
રણબીરની એન્ટ્રી
એવું માનવામાં આવી રહ્યું છે કે આ ફિલ્મના ત્રીજા ભાગ 'ડૉન 3' માં રણબીર કપૂર એન્ટ્રી લઇ શકે છે. આ ફ્રેન્ચાઇજીને આગળ સુધી લઇ જવા માટે શાહરૂખને રીપ્લેસ કરવું એક સમજીને વિચારેલો વિકલ્પ હોઇ શકે છે. પહેલા એવી માહિતી મળી હતી કે શાહરૂખને રણવીર સિંહ રિપ્લેસ કરી શકે છે.
આવું ઉદાહરણ તાજેતરમાં ફિલ્મ 'સિંઘમ'ની સાથે જોવા મળ્યું છે. 'સિંઘમ' ફ્રેન્ચાઇઝીમાં રણવીર સિંહની એન્ટ્રી કરાવીને 'સિમ્બા'ને ક્રિએટ કરી દેવામાં આવ્યું છે. આ રીતે બની શકે છે કે ડૉન 3 માં તમને બે અલગ અલગ ડૉન જોવા મળે.
આ ફિલ્મ માટે હાલ માત્ર ચર્ચા છે અને ડૉન 3 માટે એક્સેલ એન્ટરટેનમેન્ટ અથવા રણબીર તરફથી કોઇ પુષ્ટિ કરવામાં આવી નથી.