તમને અચાનકથી કોઇ અજાણ્યો વ્યકિત બૂટ-ચપ્પલ વિશે પૂછી લે કે ક્યાંથી લીધા? તો 2 સેકન્ડ માટે તમે વિચારવા લાગશો કે આ શું, પછી તમે તરત જ યાદ કરીને જગ્યાનું નામ જણાવશો.
પરંતુ જો બોલિવુડનો સ્ટાઇલ આઇકન કહેવાતો રણબીર કપૂર તમને આવો સવાલ કરે તો? સામાન્ય રીતે શરમાળ સ્વભાવનો રણબીર આવું પૂછી લે એવુ કોઇએ વિચાર્યુ નહી હોય.
જી હા, તાજેતરમાં એક સોશ્યલ મીડિયા પર વીડિયો વાયરલ થઇ રહ્યો છે જેમાં મુંબઇ એરપોર્ટ પર રણબીરને ક્લિક કરવા પહોંચેલા પાપારાઝીને રણબીરને સીધુ જ પૂછી લીધુ કે આ ચપ્પલ ક્યાંથી લીધા? તો ફોટોગ્રાફે અચકાતા કહ્યુ - 'અંધેરી સ્ટેશન'
આ વીડિયો વાયરલ થઈ રહ્યો છે કારણ કે રણબીર કપૂર સામાન્ય રીતે મોંઘી બ્રાન્ડ્સના કપડા અને શૂઝ પહેરવા માટે જાણીતો છે. તે એક ટી-શર્ટ પાછળ પણ 40,000 રૂપિયા ખર્ચતા વિચારતો નથી. આવા તેણે ફોટોગ્રાફરને સ્ટેશન પાસેથી ખરીદેલા ચપ્પલ અંગે પૂછતા ચાહકોમાં ઉત્સુકતા વધી ગઇ છે.