નીતૂ કપૂરે વ્યકત કરી ઇચ્છા રણબીર-આલિયા કરી લે સગાઇ

આલિયા ભટ્ટ અને રણબીર કપૂર પોતાના રિલેશનશિપને લઇને સતત ચર્ચામાં છે. બંને એકબીજાના ફેમિલી ફંક્શનમાં પણ સાથે જોવા મળે છે. રણબીર કપૂરે ઘણી વખત આલિયાના ઘરની મુલાકાત લઇ ચૂક્યો છે. તો આલિયા પણ રણબીરના પરિવારના સભ્યો સાથે સંબંધો મજબૂત કરતી જોવા મળી રહી છે.

તો બીજી તરફ માહિતી મળી રહી છે કે તેઓ ટૂંક સમયમાં જ સગાઇ કરી લેશે. બોલિવુડ તરફથી મળેલા રિપોર્ટ અનુસાર રણબીરની માતા નીતુ સિંહ ઇચ્છે છે કે બંને જલ્દીથી સગાઇ કરી લે અને સંબંધોને નામ આપે આ માટે જૂન મહિનો પસંદ કરવામાં આવ્યો છે. 

જોકે રણબીર-આલિયા પોતાના સંબંધને લઇને કોઇ ઉતાવળ કરવા નથી ઇચ્છતા. બંને હાલ અયાન મુખર્જીની ફિલ્મ ‘બ્રહ્માસ્ત્ર’માં કામ કરી રહ્યા છે ત્યારે ફિલ્મ રિલીઝ થયા પછી તેઓ સંબંધને નામ આપવા ઇચ્છે છે. 

આલિયા અને રણબીર કપૂર રિલેશનમાં આગળ વધી ગયા હોવાના સંકેત પહેલા જ મળી ગયા હતા. રણબીરની બહેન રિદ્ઘિમાએ આલિયા અને રણબીરને ન્યૂ યરમાં ગિફ્ટ પણ આપી હતી. રિદ્ધિમાએ ગિફટમાં ગોલ્ડ પ્લેટવાળી રિંગ આપી હતી જેના પર AR લખ્યુ હતુ. રિદ્ઘિમાએ ન્યૂ યર સેલિબ્રેશન દરમિયાન કેટલાક ફોટોઝ સોશ્યલ મીડિયા પર શૅર કરી હતી. 

આલિયા ભટ્ટ અને રણબીર કપૂર બંને હાલ અયાન મુખર્જીની ફિલ્મ ‘બ્રહ્માસ્ત્ર’ના શૂટિંગમાં વ્યસ્ત છે. ફિલ્મમાં પહેલીવાર બંને સાથે જોવા મળશે. આ ફિલ્મમા અમિતાભ બચ્ચન અને મોની રૉય પણ છે. ફિલ્મ ત્રણ ભાગમાં બનશે.