ઉત્તર પ્રદેશની રામપુર લોકસભા સીટ પર થયેલી પેટાચૂંટણીના પરિણામ આવી ગયા છે. અહીં ભાજપે મોટો ઉલટફેર કરતા સમાજવાદી પાર્ટીને હરાવી દીધી છે.
યુપીની રામપુર લોકસભા સીટ પર ભાજપનો કબ્જો
ભાજપ ઉમેદવાર આઝમ ખાનના ગઢમાં ગાબડૂ પાડ્યું
42 હજાર કરતા વધારે વોટથી જીત્યા ભાજપ ઉમેદવાર
ઉત્તર પ્રદેશની રામપુર લોકસભા સીટ પર થયેલી પેટાચૂંટણીના પરિણામ આવી ગયા છે. અહીં ભાજપે મોટો ઉલટફેર કરતા સમાજવાદી પાર્ટીને હરાવી દીધી છે. ભાજપ ઉમેદવાર ધનશ્યામ સિંહ લોધીએ 42,048 વોટથી સપા ઉમેદવાર અસીમ રઝાને હરાવી દીધા છે.
રામપુર સીટ સપા નેતા આઝમ ખાનનો ગઢ મનાતી હતી. 2019માં રામપુર લોકસભા સીટ પર આઝમ ખાને જ ચૂંટણી જીતી હતી. ત્યાર બાદ 2022ની વિધાનસભા ચૂંટણીમાં પણ આઝમ ખાન આ સીટ પરથી ચૂંટણી જીત્યા હતા.
આઝમખાનના રાજીનામાથી સીટ ખાલી થઈ હતી
ધારાસભ્ય બન્યા બાજ આઝમ ખાને લોકસભાના સભ્યપદેથી રાજીનામુ આપ્યું હતુ, જે બાદ અહીં લોકસભાની પેટાચૂંટણી થઈ હતી. બે વર્ષથી વધારે સમય સુધી જેલમાં રહીને બહાર આવેલા આઝમ ખાને પોતાના સમર્થક અસીમ રઝાને આ સીટ પરથી ઉતાર્યા હતા. ખુદ આઝમ કાને અસીમના નામની જાહેરાત કરી હતી. તે પોતાના દમ પર પ્રચાર કરી રહ્યા હતા. સપાના રાષ્ટ્રીય અધ્યક્ષ અખિલેશ યાદવ એક વાર પણ પ્રચાર કરવા પહોંચ્યા નહોતા. જ્યારે ભાજપે પુરી તાકાત લગાવી દીધી હતી.
આપને જણાવી દઈએ કે વિજયી ઉમેદવાર ધનશ્યામ લોધી એમએલસી રહેલા છે. લોધી પણ એક સમયે આઝમ ખાનના નજીકના હતા, તેમણે 2022માં ભાજપ જોઈન કરી હતી.
આઝમગઢમાં ભાજપ ઉમેદવાર નિરહુઆ 14712 વોટથી આગળ ચાલી રહ્યા છે
આઝમગઢ પેટાચૂંટણીમાં ભાજપ ઉમેદવાર દિનેશ લાલ યાદવ નિરહુઆ પણ મોટી લીડ સાથે આગળ ચાલી રહ્યા છે. ભાજપ ઉમેદવાર નિરહુઆ 14712 વોટથી આગળ ચાલી રહ્યા છે. ભાજપ ઉમેદવાર નિરહુઆને 263544 વોટ મળ્યા છે, જ્યારે સપા ઉમેદવાર ધર્મેન્દ્ર યાદવને 248832 વોટ મળ્યા છે. જ્યારે બીએસપીના ગુડ્ડુ જમાલીને 222279 વોટ મળ્યા, ગુડ્ડુએ તો હાર પણ સ્વિકારી લીધી છે.