અમદાવાદના રામોલ વિસ્તારમાં PSI પર હુમલો થયો છે. અગાઉ દરિયાપુર અને સાબરમતી વિસ્તારના પોલીસ પર હુમલો થયો હતો. હવે રામોલના કૈલાશ કોલોનીમાં હુમલો કરવામાં આવ્યો હતો. તીક્ષ્ણ હથિયાર દ્ધારા PSI પર હુમલો કરવામાં આવ્યો હતો. અક્ષય ભુરિયો અને અજિત વાઘેલા સહિતના શખ્સોએ હુમલો થયો છે. ઇજાગ્રસ્ત PSIને હોસ્પિટલ ખસેડવામાં આવ્યો હતો.
અમદાવાદના રામોલ વિસ્તારમાં PSI પર હુમલો થયો
રામોલના કૈલાશ કોલોનીમાં કરવામાં આવ્યો હુમલો
તીક્ષ્ણ હથિયાર દ્ધારા PSI પર કરાયો હુમલો
અમદાવાદના પુર્વમાં અસામાજિક તત્વોના આતંક યથાવત્ રહેવા પામ્યો છે. શહેરના રામોલ પોલીસ સ્ટેશનના સુરેલિયા ચોકીના પોલીસ સબ ઈન્સપેક્ટર અર્જૂન ભરવાડ પર કૈલાશ કોલોની સોસાયટી વંડરપોઈન્ટ માંગ પર સ્થાનિક અસામાજિક તત્વોએ તિક્ષ્ણ હથિયાર વડે હુમલો કર્યો હતો. જેને લઇને ઈજાગ્રસ્ત પીએસઆઈને ૧૦૮માં એલજી હોસ્પિટલ લઈ ખસેડવામાં આવ્યા હતા.
અગાઉ પણ રહીશોને રંજાડતા હતા
અક્ષય ભુરિયો અને અજીત વાઘેલા સહિતના અસામાજિત તત્વો આ વિસ્તારમાં રહેતા લોકોને અગાઉ રંજાડતા હતા. જેને લઇને તેમના વિરુદ્ધ સોસાયટીના રહીશોએ સેક્ટર-૨માં રેલી કાઢીને રજુઆત કરી હતી. જેથી આ બન્નેને ઝડપીને પાસામાં પણ મોકલાયા હતા. ત્યારે હવે તેઓ છુટી આવીને ફરી સોસાયટીના રહીશોને રંજાડતા હતા. આજે તેમણે PSI પર હુમલો કરીને આતંક અને અરાજકતા ફેલાવી છે.
અમરાઈવાડી વિધાનસભા પેટાચૂંટણીના કાર્યાલય નજીક બની ઘટના
બન્ને પક્ષના અમરાઈવાડી વિધાનસભા પેટા ચુંટણી કાર્યાલયના ત્રણસો મીટરના અંતરે જ આ ઘટના બની છે. ત્યારે સમગ્ર વિસ્તારમાં પોલીસે વધુ તપાસ હાથ ધરીને આરોપીઓને ઝડપી પાડવા ચક્રો ગતિમાન કર્યા હતા.
નરોડામાં અગાઉ PSI પર હુમલાની ઘટના બની હતી
અગાઉ શહેરના નરોડા વિસ્તારમાં PSI પર ટ્રાફિક નિયમનો ભંગ કરતા યુવકોએ હુમલો કર્યો હતો. PSIએ બંને યુવકોને રોક્યા હતાં તેથી ઉશ્કેરાયેલા યુવકોએ PSI પર હુમલો કર્યો હતો. બાઈક ચાલક રોંગ સાઈડમાં આવતા તેને રોકવામાં આવ્યાં હતાં. દંડ ભરવાનું કહેતા ઉશ્કેરાઈને PSI પર હુમલો કરી અને PSIનું ગળું દબાવવાનો પ્રયાસ કર્યો હતો. જોકે આ મામલે પોલીસે બંને ભાઈઓની ધરપકડ કરી હતી. યુવકોએ પોલીસને પટ્ટા ઉતરાવી દેવાની ધમકી આપી હતી અને ટ્રકથી એક્સિડન્ટ કરી મારી નાખવાની જેવી ધમકી આપી હતી.