આપઘાત માટે દુષ્પ્રેરણાના ગુનામાં વડોદરા પોલીસે અમદાવાદના રમીઝ નામના શખ્સની ધરપકડ કરી
તાદલજા વિસ્તારની નફીસાના ચકચારી આપઘાતનો મામલો
વીડિયો અને પરિવારજનોની ફરિયાદના આધારે પોલીસ સક્રિય
પોલીસે અમદાવાદના રમીઝ નામના શખ્સની કરી ધરપકડ
વડોદરાના તાંદલજાના નુરજહા પાર્કમાં ભાડાના મકાનમાં રહેતી નફીસા ખોખરે વિડિયો બનાવી 20 જૂને આપઘાત કરતાં હડકંપ મચી જવા પામ્યો હતો.નફીસાનો અમદાવાદમાં રહેતા રમીઝ શેખ સાથે પ્રેમ સંબંધ તૂટી જતાં તે આઘાતમાં સરી પડી હતી. જે બાદ ગળેફાંસો ખાઈ જીવન ટૂંકાવી દીધું હતું. ત્યારે આજે આ કેસના મુખ્ય આરોપી રમીઝ શેખની વડોદરા પોલીસે ધરપકડ કરી લીધી છે.
આપઘાત માટે દુષ્પ્રેરણાના કેસમાં રમીઝની ધરપકડ
વડોદરા તાદલજા વિસ્તારની નફીસાના ચકચારી આપઘાતનો મામલે પોલીસે છઠ્ઠા દિવસે અમદાવાદના રમીઝ નામના શખ્સની ધરપકડ કરી છે. વીડિયો અને પરીવારજનોની ફરિયાદ આધારે પોલીસે આપઘાત માટે દુષ્પ્રેરણાના ગુનામાં ઈસમની પકડ્યો છે.
શું હતો બનાવ?
વડોદરાના તાંદલજાના નુરજહા પાર્કમાં ભાડાના મકાનમાં રહેતી નફીસા ખોખરે 20 જૂનના રોજ પોતાના ઘરમાં જ સવારે 9.30 વાગે દુપટ્ટા વડે ગળેફાંસો ખાઈ આપઘાત કરતાં ચકચાર મચી જવા પામ્યો હતો.યુવતીના આપઘાત મામલે પરિવારે અમદાવાદના રમીઝ શેખ અને તેના પરિવારને જવાબદાર ઠેરવ્યો છે.મૃતક યુવતી અને યુવક રમીઝ શેખ વચ્ચે પ્રેમ સંબંધ હતો, બંનેના લગ્ન સુધીની વાત પહોચી ગઈ હતી, લગ્નની તૈયારીઓ પણ ચાલતી હતી પણ રમીઝએ લગ્ન કરવાની ના પાડી દેતાં નફીસાને ભારે આઘાત લાગ્યો અને તેને ઘરમાં ગળેફાંસો ખાઈ આપઘાત લીધો હતો.
પોલીસ પર આરોપ બાદ સક્રિયતા દેખાડી
મૃતક નફીસા અગાઉ બે વખત આપઘાતનો પ્રયાસ કર્યો હતો, જેમાં તેણે એકવાર ઝેરી દવા પીને આપઘાતની કોશિશ કરી હતી, જ્યારે બીજી વખત અમદાવાદના રિવરફ્રન્ટ પર જઈ વિડિયો બનાવી નદીમાં કૂદી આપઘાતનો પ્રયાસ કર્યો હતો.નફીસાએ રમીઝ પર તેની જિંદગી બરબાદ કરી નાંખવાનો આક્ષેપ કર્યો.મહત્વની વાત છે કે નફીસાનો પરિવાર નફીસાની મોત માટે રમીઝ અને તેના પરિવારને જવાબદાર ઠેરવી રહ્યા છે અને રમીઝ પર કડક કાર્યવાહી કરવાની માંગ કરી રહ્યો છે.સાથે જ જે પી રોડ પોલીસ પર સહયોગ ન આપવાનો પણ પરિવારે આક્ષેપ કર્યો હતો. જે બાદ પોલીસે તાત્કાલિક આ કેસમા ઊંડી તપાસ હાથ ધરી હતી. અને આજે રમીઝની ધરપકડ કરી છે.
આપઘાત પહેલાનો વીડિયો આવ્યો સામે હતો
આ યુવતીનો આપઘાત પહેલાનો એક વીડિયો સામે આવ્યો છે. અમદાવાદ રિવરફ્રન્ટ ખાતેનો આ વીડિયો છે. જેમાં તે કહી રહી છે કે '' ઝિંદગીમે મેને તુજે સબસે જ્યાદા પ્યાર કિયા,ઓર તુમને યે કિયા મેરે સાથ. મુજે ઇતના બડા ધોખા દિયા, મુજે લગા તુમ સબસે અલગ હો પર તુમ સબ કે જૈસે હી હો. તુમમે ઔર સબમે કોઇ ફરક નહીં થા. પુરી દુનિયા કો પતા ચલ જાને કે બાદ ભી તુમને મેરા હાથ નહી થામા, બહોત બુરે હો તુમ, તુમ્હારે ઘરવાલેં ભી કહેતે હૈ હમારા કોઇ કોન્ટેક્ટ નહીં હૈ. તમ્હે પરસો દેખા થા, વહાં પર, તમ્હારે કપડે સુખે હુએ થે વહાં પર." આ ઉપરાંત યુવતી એમ પણ કહી રહી છે કે 'મેરે પાસ મોત કે અલાવા ઓર કોઇ રાસ્તા નહી હૈ, ઇતના બુરા હાલ કર દિયા હૈ તુમને મેરા.'
પરિવારની માંગ - દીકરીને ન્યાય મળે
પરિવારજનોએ કહ્યું હતું કે, અમારી તો એક જ માંગ છે કે, અમારી દીકરીને ન્યાય મળે. આજે જ્યારે અમે નફીસાના સાબરમતી રિવરફ્રન્ટના વીડિયો જોઇએ છીએ, ત્યારે ખૂબ જ દુખ થઇએ છીએ કે, તેને રમીઝે એટલું બધુ પ્રેસર આપ્યું કે, તેને આ પગલું ભરવું પડ્યું. નફીસાના પરિવારમાં તેની ત્રણ બહેનો છે અને બે ભાઇ છે. નફીસાએ નવ ધોરણ સુધી અભ્યાસ કર્યો હતો અને ઘરે જ હતી. આરોપીને કડકમાં કડક સજા થાય તેવી માંગ પરિવાર કરી રહ્યો છે.