નકલી ભગવાન / 16 લાખ પગાર અને ગ્રેચ્યુટી આપો નહીંતર ભયંકર દુષ્કાળ પાડીશ, જાણો કોણે લખ્યો સરકારને આવો પત્ર

• પોતાને કલ્કી અવતાર કહેનાર રમેશ ફેફર ફરી આવ્યા સામે
• રમેશ ફેફરે સરકાર પાસે માંગ્યો પગાર અને ગ્રેચ્યુટી
• પાણી પુરવઠા વિભાગના પૂર્વ કર્મચારી છે રમેશ ફેફર

​પોતાને કલ્કી અવતાર કહેનાર રમેશચંદ્ર ફેફર ફરી વિવાદમાં આવ્યા છે. પાણી પુરવઠા વિભાગના પૂર્વ કર્મચારી રમેશ ફેફર પત્ર લખીને વિવાદમાં આવ્યા છે. રમેશ ફેફરે સરકાર પાસે પગાર અને ગ્રેચ્યુટીની માંગણી કરી છે. પત્રમાં લખ્યું છે કે, મારો એક વર્ષનો બાકી રહેતો 16 લાખ પગાર અને 16 લાખ ગ્રેચ્યુટી આપો નહીંતર વરસાદ અને બરફવર્ષાથી ભયંકર દુષ્કાળ પાડીશ, હું જ ભગવાન વિષ્ણુનો દસમો કલ્કી અવતાર છું. મારી તપશ્ચર્યાને હિસાબે જ છેલ્લા 20 વર્ષથી સતત સારા વરસાદ ભારતમાં થયા છે.

કલ્કી અવતારના નામે બફાટ

• હું વિષ્ણુ ભગવાનનો દસમો આવતાર છું
• નવેમ્બરમાં દિવાળીથી જગદંબાએ પૃથ્વીલોકનો ચાર્જ મને સોંપ્યો છે
• રામા અવતાર કરતા એક લાખ ઘણી પીડા મે ભોગવી છે
• આ વર્ષે હું વરસાદ પાડવાનો જ નથી
• 20 વર્ષ સુધી મે તપસ્યા કરી વરસાદ વરસાવ્યો હતો
• આજ સુધી તમામ દુષ્કાળ મે જ રોક્યા હાતા
• 18 એપ્રિલ 2021ના મે બધાને વોટ્સએપ મેસેજ મેઇલ કરી કહ્યું છે
• કોરોના વિષ્ણુ ભગવાનનું એટલે કે મારુ સુદર્શન ચક્ર છે
• વિજ્ઞાન સહિત દુનિયાની કોઇ થેરાપી તેને રોકી શકશે નહીં
• પ્રધાનમંત્રી નરેન્દ્ર મોદીને અર્જૂનનો અવતાર ગણાવ્યા
• 33 કરોડ દેવતા જ પૃથ્વીલોક પર રહેશે
• બાકીના સાડા સાત અબજ રાક્ષસોનું 2030 સુધીમાં મૃત્યુ થશે
• ભગવાનના શરણમાં હશે એ લોકો જ બચશે