105 વર્ષની દાદી રામબાઈએ આ સાબિત કરી બતાવ્યું છે કે ઉંમર અંદાજે એક સંખ્યા છે. હરિયાણાના ચરખી દાદરીમાં રહેતી રામબાઈએ 100 મીટરની ફરાટા રેસ 45.40 સેકન્ડમાં પૂર્ણ કરી નવો રેકોર્ડ બનાવ્યો. પહેલા આ રેકોર્ડ માન કૌરના નામે હતો. જેણે 74 સેકન્ડમાં રેસ પૂરી કરી હતી.
105 વર્ષની દાદીનું પરાક્રમ
100 મીટરની ફરાટા રેસ 45.40 સેકન્ડમાં પૂર્ણ કરી
100 મીટર રેસમાં નવો વર્લ્ડ રેકોર્ડ બનાવ્યો
105 વર્ષની દાદીએ આ પરાક્રમ કરી બતાવ્યું
બેંગ્લોરમાં ગયા અઠવાડિયે રાષ્ટ્રીય ઓપન માસ્ટર્સ એથલેટિક્સ ચેમ્પિયનશીપમાં 105 વર્ષની દાદીએ આ પરાક્રમ કરી બતાવ્યું. આ શુભ પ્રસંગે સીએમ મનોહરલાલ ખટ્ટરે રામબાઈને તેની આ સિદ્ધી માટે શુભેચ્છા આપી. રામબાઈએ વડોદરામાં આયોજીત રાષ્ટ્રીય સ્તરની એથલેટિક્સ ચેમ્પિયનશીપમાં 100 મીટર રેસમાં નવો વર્લ્ડ રેકોર્ડ બનાવ્યો હતો. ઉલ્લેખનીય છે કે ચરખી દાદરી જિલ્લાના ગામ કાદમાની રહેવાસી રામબાઈ રાષ્ટ્રીય સ્તરની એથલેટિક્સ ચેમ્પિયનશીપમાં તેની ત્રણ પેઢીઓ સાથે 100, 200 મીટર દોડ, રિલે દોડ, લાંબી કૂદમાં 4 ગોલ્ડ મેડલ જીતીને ઈતિહાસ બનાવી ચૂકી છે. આની પહેલા નવેમ્બર 2021માં થયેલી પ્રતિયોગિતામાં 4 ગોલ્ડ મેડલ જીત્યા હતા. રામબાઈ ગામની સૌથી વૃદ્ધ મહિલા છે અને તેને ઉડનપરી- પરદાદી કહીને બોલાવે છે. તે પોતાને ફીટ રાખવા માટે દરરોજ સવારે 5-6 કિલોમીટરની દોડ લગાવે છે.
દાદી ઉંમરની પરવાહ કર્યા વગર આગળ વધ્યાં
રામબાઈનો જન્મ 1 જાન્યુઆરી, 1917માં કાદમા ગામમાં થયો હતો. તેમણે નવેમ્બર, 2021માં વારાણસીમાં થયેલી માસ્ટર્સ એથલેટિક મીટમાં ભાગ લીધો હતો. તેઓ પોતાની ઉંમરની પરવાહ કર્યા વગર આગળ વધી રહી છે. વૃદ્ધ એથલીટ રામબાઈએ ખેતરના કાચા રસ્તા પર પ્રેક્ટિસ કરી છે. તે સવારે 4 વાગ્યે ઉઠીને પોતાના દિવસની શરૂઆત કરે છે. સતત દોડ અને પગપાળા ચાલવાનો અભ્યાસ કરે છે. આ ઉપરાંત તેઓ આ ઉંમરમાં પણ 5-6 કિલોમીટર સુધી દોડે છે.
રામબાઈની દીકરીએ પણ મેળવ્યો છે ગોલ્ડ મેડલ
આ ઉપરાંત રામબાઈની 62 વર્ષની દીકરી સંતરા દેવી પણ રિલે રેસમાં ગોલ્ડ મેડલ મેળવી ચૂકી છે. રામબાઈના 70 વર્ષના પુત્ર મુખ્યતાર સિંહે 200 મીટર દોડમાં બ્રોન્જ મેડલ પોતાના નામે કર્યો છે. તેમની વહૂ પણ રિલે દોડમાં ગોલ્ડ અને 200 મીટર દોડમાં બ્રોન્ઝ મેડલ જીતીને ગામ અને પ્રદેશનું નામ રોશન કરી ચૂકી છે.