રામની ભૂમિકામાં અરૂણ ગોવિલ, સીતા તરીકે દીપિકા અને લક્ષ્મણની ભૂમિકામાં સુનીલ લહરીની ફેન ફોલોઇંગ ઝડપથી વધી રહી છે. સુનીલ લહરીના જૂના ફોટાઝ સોશિયલ મીડિયા પર ખૂબ વાયરલ થઈ રહ્યા છે. તેના ફોલોઅર્સ પણ ઝડપથી વધી રહ્યા છે. તાજેતરના એક ઈન્ટરવ્યૂમાં સુનીલ લહરીએ સેટ સાથે જોડાયેલી કેટલીક વિશેષ વાતો જણાવી છે.
રામાયણનું ફરી પ્રસારણ શરૂ થતાં તેના કલાકારો આવ્યા લાઈમલાઈટમાં
A post shared by Shri Ram Laxman (@arungovil.sunillehri.fanpage) on
સુનીલે એક ઈન્ટરવ્યૂમાં જણાવ્યું કે સેટ પર યુદ્ધના ઘણા સીન્સ શૂટ કરવામાં આવ્યા હતા, પરંતુ ક્યારેય કોઈની વચ્ચે લડાઈ થઈ નથી. અજાણતા પણ ફાઈટિંગ સીન્સ શૂટ કરતી વખતે કોઈને ઈજા પહોંચી નથી.
તેમને પૂછવામાં આવ્યું કે, શું રામાયણના સેટ પર ઝઘડો થતો હતો. શું ક્યારેય એવું બન્યું છે કે યુદ્ધના સ્થળે કોઈએ ખરેખર કોઈને ગદા મારી હોય? આનો જવાબ આપતાં સુનીલે હસીને કહ્યું- ના કોઈને કોઈને ઘાયલ નથી કર્યાં પરંતુ શૂટિંગ વખતે લોકો પોતાની જાતને ઘાયલ અવશ્ય કરી લેતા હતા. અમે જે તીર કામઠાનો ઉપયોગ કરતા હતા કે, તીક્ષ્ણ અને ભારે હતા. જેના કારણે અમારા હાથ છોલાઈ જતા હતાં.
સુનીલે જણાવ્યું કે, એ સમયે શૂટિંગ કરવામાં ઘણી મુશ્કેલી પડતી હતી. એ વખતે અમારા કોસ્ચ્યૂમ ખૂબ ભારે હતા. ગામડામાં ભયંકર ગરમીમાં આવા ભારે કોસ્ચ્યૂમ પહેરવા સરળ નહોતું. એવું લાગતું હતું, કે ભર ઉનાળે એકદમ ટાઈટ કપડાં પહેરાવી દીધા હોય. કોસ્ચ્યૂમ ઢીલાં પણ પહેરવા શક્ય નહોતું, કારણ કે પરદાં પર તે ખરાબ દેખાતું. એમાં પણ વિગ પહેરવા પર માથા પર ભાર અને ગરમી બંને લાગતી હતી. તેમ છતાં બધાં પોતાનું કામ કરતા હતા.