દૂરદર્શન પર જ્યારથી રામાનંદ સાગરની રામાયણનું ટેલિકાસ્ટ શરૂ થયું છે, ત્યારથી જ આ ધાર્મિક શો જબરદસ્ત ચર્ચામાં રહ્યું છે. સોશિયલ મીડિયા પર આ શોને લઈને દર્શકોનો ક્રેઝ, શોના સ્ટાર્સની ફેન ફોલોઈંગ અને દરેક જગ્યાએ આ શોની ચર્ચા જોવા મળી રહી છે. આ જ કારણથી આ શોને મોટા રેકોર્ડ પોતાના નામે કરી લીધા. જોકે, આ શોના સૌથી મોટા રેકોર્ડને લઈને હાલમાં જ એક મોટી ચર્ચા ચાલી રહી છે. રામાયણ દુનિયામાં સૌથી વધુ જોનાર શો બનવાના રેકોર્ડ પર સવાલ ઊભા થઈ રહ્યાં છે.
હકીકતમાં 2 મે 2020એ દૂરદર્શને તેના સોશિયલ એકાઉન્ટ દ્વારા રામાયણના દર્શકોને એક ખુશખબરી આપી હતી. દૂરદર્શને ટ્વિટ કરીને જણાવ્યું હતું કે, અમારા તમામ દર્શકોનો આભાર. રામાયણે વિશ્વ રેકોર્ડ સ્થાપિત કરી દીધો છો. આ દુનિયાનો સૌથી વધુ જોનાર એન્ટરટેનમેન્ટ પ્રોગ્રામ બની ગયો છે. આ ટ્વિટની સાતે 16 એપ્રિલે આ શો કેટલા દર્શકોએ જોયો મેકર્સ તેના પણ આંકડા શેર કર્યા હતા. ટ્વિટમાં જણાવવામાં આવ્યું હતું કે, 16 એપ્રિલનો એપિસોડ 7 કરોડ 70 લાખ દર્શકોએ જોયો, જેના કારણે તેણે ગેમ ઓફ થ્રોન્સનો રેકોર્ડ પણ તોડી દીધો.
ત્યારે હાલમાં જ લાઈવ મિન્ટની એક રિપોર્ટમાં દૂરદર્શનના આ રેકોર્ડ પર સવાલ ઉઠાવવામામં આવ્યા છે. આ રિપોર્ટમાં દાવો કરવામાં આવી રહ્યો છે કે, દૂરદર્શનનો દાવો ખોટો છે કે આ શો સૌથી વધુ દર્શકો દ્વારા જોવામાં આવ્યો છે. એવું કહેવા છે કે, અમેરિકન સીરિઝ MASHનો છેલ્લો એપિસોડ 10 કરોડ 60 લાખથી વધુ લોકોએ જોયો હતો. એ હિસાબથી રામાયણ દુનિયાનો સૌથી વધુ જોવાયેલો શો નથી બન્યો. રિપોર્ટ મુજબ મેશવો આ એપિસોડ 28 ફેબ્રુઆરી 1983એ પ્રસારિત કરવામાં આવ્યો હતો.
જ્યારે આ મામલે એક અહેવાલમાં, માહિતી અને પ્રસારણ મંત્રાલયના સ્ત્રોતના હવાલાથી એમ કહેવામાં આવ્યું છે કે, જે સવાલો ઉઠી રહ્યાં છે તેમ છતાં દૂરદર્શન પોતાના સ્ટેટમેન્ટ પર સંપૂર્ણ રીતે સમર્થન આપી રહ્યું છે. રિપોર્ટમાં કહેવામાં આવ્યું છે કે, તેણે એ વાતનો પણ ખુલાસો પણ કર્યો કે માત્ર ટીવી રેટીંગ જ નહીં પણ મોબાઇલ ટીવી સેવાઓ JioTV, MXplayer જેવા માધ્યમોથી પણ લોકો ડીડી નેશનલ ટ્યુન કરી રહ્યા છે.