IPLIN
 

સારાં સમાચાર / 'રામાયણ'એ દૂરદર્શન પર મચાવી ધૂમ, દર્શકોની પહેલી પસંદ બનતા બનાવ્યો આ જબરદસ્ત રેકોર્ડ

Team VTV 10:55 AM, 03 Apr 20 | Updated: 11:03 AM, 03 Apr 20
Follow us
ramayan re telecast episodes breaks-record gets highest ever trp rating barc

દેશમાં કોરોના વાયરસના પ્રકોપને ઓછો કરવા માટે પીએમ નરેન્દ્ર મોદીએ સમગ્ર દેશમાં 21 દિવસ લોકડાઉનનો આદેશ આપ્યો હતો. જે 15 એપ્રિલ સુધી ચાલુ રહેશે. જેથી લોકડાઉનના સમયમાં દર્શકોનું મનોરંજન થઈ શકે તે માટે 80 અને 90ના દાયકાના કેટલાક સુપરહિટ શોઝ દૂરદર્શને રિ-ટેલિકાસ્ટ કર્યા છે. આ શોઝ ચાલુ કરવાથી દર્શકો તો ખુશ છે જ સાથે ચેનલ માટે પણ સારાં સમાચાર છે. આ શોને ટીઆરપીમાં રેકોર્ડ બનાવ્યો છે.

  • લોકડાઉનમાં રામાયણ શોને મળશે જોરદાર પ્રતિસાદ
  • 2015 પછી રામાયણની ટીઆરપીએ બનાવ્યો રેકોર્ડ
  • દૂરદર્શનના સીઈઓએ આપી આ ખુશખબરી

હકીકતમાં પ્રેસ ઈન્ફોર્મેશન બ્યૂરો (PIB)એ આ સારા સમાચાર ટ્વિટ કરીને આપ્યા છે.  પ્રસાર ભારતીના સીઈઓ શશિ શેખરે ટ્વિટ કરીને આ વાતની જાણકારી આપી છે કે, દૂરદર્શન પર રિ-ટેલિકાસ્ટની સાથે જ રામાયણને હિન્દી જનરલ એન્ટરટેનમેન્ટ ચેનલ શો હેઠળ 2015 પછી અત્યાર સુધીની સૌથી મોટી રેટિંગ મળી છે. જ્યારે શશિ શેખરે બાર્ક (BARC)ને તેનો સોર્સ જણાવ્યો છે. એવામાં એક વાત તો સ્પષ્ટ છે કે, રામાયણને કારણે દૂરદર્શને પણ એક રેકોર્ડ બનાવી લીધો છે. 

તમને જણાવી દઈએ કે લોકડાઉનમાં રામાયરણ, મહાભારત સિવાય બ્યોમકેશ બક્શી, બુનિયાદ, દેખ ભાઈ દેખ, ચાણક્ય, શક્તિમાન, શ્રીમાન શ્રીમતી અને સર્કસ જેવા શોઝનું પણ રિ-ટેલિકાસ્ટ શરૂ કર્યું છે. આ પહેલાં પણ રામાનંદ સાગરની રામાયણ રેકોર્ડ બનાવ્યા હતા. આ ટીવી સીરિઝને 82 ટકા વ્યૂઅરશિપ મળી હતી. 

હવે જ્યારે દૂરદર્શન પર રામાયણનું રિ-ટેલિકાસ્ટ જોવાનો મોકો મળી રહ્યો છે ત્યારે આ શોની કાસ્ટ પોતાના ઘરે પરિવાર સાથે આ શો જોઈ રહી છે. 

Television doordarshan rating barc highest trp breaks record episodes re telecast Ramayan
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ