અજાણી વાતો / રામાયણમાં સૌથી મુશ્કેલ હતો રાવણનો રોલ, 10 કિલોનો મુગટ પહેરી ઉપવાસ રાખી કરતો શૂટિંગ, રોજ માંગતો માફી

• દૂરદર્શન પર ધૂમ મચાવી રહી છે રામાનંદ સાગરની રામાયણ
• શોના કેટલાક કિસ્સાઓ પણ ખૂબ જ વાયરલ થઈ રહ્યાં છે
• ત્યારે રાવણ અંગેની કેટલીક અજાણી વાતો થઈ વાયરલ

રામાયણમાં રાવણનો રોલ ભજવનાર અરવિંદ ત્રિવેદીએ તેમના લેટેસ્ટ ઈન્ટરવ્યૂમાં જણાવ્યું કે, રાવણનો રોલ ખૂબ જ અઘરો હતો. પણ શું તમે જાણો છો કે, અરવિંદ ત્રિવેદીના રામની દયાથી રાવણનો રોલ મળ્યો હતો. તેમણે જણાવ્યું કે, રાવણના રોલ માટેના ઓડિશન માટે 400થી પણ વધુ લોકો આવ્યા હતા. તેમણે કહ્યું કે, આ રોલએ મારી જિંદગી બદલી નાખી. આ પછી મેં કુલ 250 ગુજરાતી અને હિન્દી ફિલ્મોમાં કામ કર્યું હતું. 

 

 

 

 

View this post on Instagram

 

 

 

 

 

 

 

 

 

#ramayana #ramayan

A post shared by Ramayan (@ramanandsagarramayan) on May 24, 2018 at 5:02am PDT

આ જ ઈન્ટરવ્યૂમાં તેમની પૌત્રીએ જણાવ્યું કે, રાવણનો રોલ અરવિંદ ત્રિવેદી માટે કેટલો મુશ્કેલ હતો. તેમને તૈયાર થવા માટે 5 કલાકનો સમય લાગતો હતો અને તેમના ઝવેરાતનો વજન પણ વધારે હતો. કોસ્ચ્યૂમ પણ ભારે હતો અને લગભગ 10 કિલોનો તો માત્ર મુગટ જ હતો. તેમણે જણાવ્યું કે, શૂટિંગ દરમિયાન તેઓ પૂજા કરતા હતા અને જ્યારે શૂટિંગ પર જતા ત્યારે ઉપવાસ રાખીને જતા હતા અને પછી શૂટિંગ પૂરી થયા બાદ બધો જ મેકઅપ કાઢીને કંઈપણ ખાતાં હતા. તેઓ હમેશાં સેટ પર જતાં પહેલાં રામજીની પૂજા કરતા હતા અને તેમનાથી માફી માંગતા હતા અને કહેતા કે, હું મારા આ રોલને કારણે તમને કેટલાક અપશબ્દો કહીશ, મને માફ કરી દેજો. 

 

 

 

 

View this post on Instagram

 

 

 

 

 

 

 

 

 

#ramayana #ramayan

A post shared by Ramayan (@ramanandsagarramayan) on May 24, 2018 at 4:59am PDT

82 વર્ષના અરવિંદ ત્રિવેદી હવે એક્ટિંગ અને લાઈમલાઈટથી દૂર છે અને પૂજા-આરાધનામાં પોતાનો સમય વિતાવી રહ્યાં છે. જોકે, ઘરે રહીને તેઓ નિયમિત રામાયણ જુએ છે.તમને જણાવી દઈએ કે, અરવિંદ ત્રિવેદી રાજકારણમાં પણ કામ કરી ચૂક્યા છે અને ત્યાં પણ તેમને ઘણી સફળતા મળી હતી.