રામાયણના ફરીથી ટેલિકાસ્ટ થવાની સાથે જ તેના કલાકારો પણ ચર્ચામાં આવી ગયા છે. આ શોના કેટલાક કલાકારોએ તો સોશિયલ મીડિયા પર ડેબ્યૂ પણ કરી નાખ્યું છે અને હવે રામાયણની સ્ટારકાસ્ટ સોશિયલ મીડિયા પર પહેલાં કરતાં વધુ એક્ટિવ થઈ ગઈ છે.
રામાયણ રિ-ટેલિકાસ્ટ થતાં શોના કલાકારો લાઈમલાઈટમાં આવી ગયા
રામાયણમાં લક્ષ્મણની ભૂમિકા ભજવનાર સુનીલ લહરીએ બોલિવૂડની દિગ્ગજ અભિનેત્રી સાથે ફિલ્મમાં કામ કર્યું હતું. સુનીલ તેના ફેન્સ સાથે વાતો કરે છે અને જૂના દિવસો યાદ કરે છે. હવે સુનિલે એક પોસ્ટ શેર કરી અને કહ્યું કે તેણે પોતાની કારકિર્દીની શરૂઆત દિવંગત અભિનેત્રી સ્મિતા પાટિલની ફિલ્મથી કરી હતી. તમને જણાવી દઈએ કે, ટીવી પર સુનીલે લક્ષ્મણનું પાત્ર ભજવતાં પહેલાં ઘણી ફિલ્મો કરી હતી. તેની પહેલી ફિલ્મનું નામ નક્સલાઈટ હતું. જેમાં તેની હિરોઇન સ્મિતા પાટિલ હતી.
સ્મિતા સાથે પોતાનો બ્લેક વ્હાઇટ ફોટો શેર કરીને સુનીલે પોસ્ટમાં લખ્યું- હું મારા બધાં મિત્રો અને ફોલોઅર્સ સાથે જૂની યાદોને શેર કરી રહ્યો છું. હું ભાગ્યશાળી હતો કે મેં મારી પહેલી ફિલ્મ નક્સલાઈટમાં પ્રતિભાશાળી અને સુંદર અભિનેત્રી સ્મિતા પાટિલ સાથે કામ કર્યું હતું. આ સિવાય મને જાણીતા પ્રતિભાશાળી ફિલ્મમેકર લેખક શ્રી કે.એ. અબ્બાસ સાથે ટીનએજમાં કામ કરવાની તક મળી.
સુનીલ લહરીએ વિનોદ ખન્ના સાથે પણ સ્ક્રીન સ્ક્રીન શેર કરી હતી. આ ફિલ્મમાં વિનોદ ખન્નાએ તેના પિતાની ભૂમિકા ભજવી હતી. સુનીલે વિનોદ ખન્ના સાથે પણ તેની તસવીર શેર કરી અને પોતાને ભાગ્યશાળી કહ્યું. અત્યારે ફરી રામાયણના ટેલિકાસ્ટને કારણે લક્ષ્મણ યુવાનોનો ફેવરિટ બની ગયો છે. લક્ષ્મણની ભૂમિકામાં તેની એક્ટિંગને લોકોએ ખૂબ પસંદ કરી છે.