દેશમાં ફળો અને શાકભાજીઓ પર કૃત્રિમ રંગ અને કેમિકલ દ્વારા ચમકીલા બનાવીને માર્કેટમાં વેચવાનું ચલણ સામાન્ય છે, પરંતુ જ્યારે એક કેન્દ્રીય મંત્રી જ એનો શિકાર બની જાય તો ફળ વેચનાર વિરુદ્ધ એક્શન લેવી વ્યાજબી છે.
રામવિલાસ પાસવાન માટે ખાવાના માર્કેટથી ફળ ખરીદીને લાવ્યો સ્ટાફ
420 રૂપિયા કિલોના ખરીદ્યા સફરજન, વેક્સના કારણે ધોવામાં થઇ મુશ્કેલી
દેશમાં ફળ અને શાકભાજી પર કૃત્રિમ રંગ અને કેમિકલ લગાવીને ચમકીલા બનાવીને બજારમાં વેચવામાં આવે છે. પણ જ્યારે એક કેન્દ્રીય મંત્રી જ તેનો શિકાર બને તો શું થાય ? કેન્દ્રીય ખાદ્ય મંત્રી રામવિલાસ પાસવાન સાથે પણ કંઈક આવું જ થયું.
રામવિલાસ પાસવાનને રશિયન સલાડ ખાવાની ઇચ્છા વ્યક્ત કરી. જેથી તેમનો સ્ટાફ ફ્રૂટ લેવા માટે માર્કેટમાં ગયો હતો. જ્યાંથી 420 રૂપિયા કિલોના ભાવે સફરજ ખરીદ્યા હતા.
બજારમાંથી સામાન અને ફળ આવ્યા બાદ કેન્દ્રીય મંત્રી રામ વિલાસ પાસવાને એક એક કરીને તમામ ફળોને ધોવાની સલાહ આપી હતી. ત્યારબાદ સ્ટાફે સફરજન ધોવાનું શરૂ કર્યું ત્યારે તે ધોવાયા નહીં અને હાથથી લપસવા લાગ્યા જ્યારે સ્ટાફે ચેક કર્યું ત્યારે સફરજનમાં વેક્સ લગાવેલું સામે આવ્યું. ત્યારે રામવિલાસ પાસવાન ખુદ ચોંકી ગયા હતા.
આ મામલે રામવિલાસ પાસવાને વિભાગને આદેશ આપ્યો. અને વિભાગે દરોડા પાડતાં ફ્રૂટ માર્કેટમાં વિક્રેતાને ત્યાંથી તમામ ફ્રૂટમાં કેમિકલ કોટિંગ લગાવેલું મળ્યું. જેથી તેને દંડવામાં આવ્યો. આ તો થઈ એક નેતાજીની વાત. પણ સામાન્ય જનતાને તો આવા ફ્રૂટ આસાનીથી પધરાવી દેવામાં આવે છે. અને લોકો સારા ફ્રૂટ સમજીને કેમિકલ કોટિંગ વાળા ફ્રૂટ આરોગતા પણ હોય છે.